Mexico ah a rapthlak bikmi rittheihthil gang pakhat ih hotu lubik, drug lord ti khalih an kawhmi Heriberto Lazcano cu ralkap pawlin a thi in an ngah.
            Sinan, nazi reilote sungah ralthuam kengmi pawlin a ruak cu an ruk hloh kir sal.
            Zetas rittheihthil pawlkawm rak ho dahtu Lazcano cu Mexico ram hmarlam Coahuila ramthen sungih a cangmi doawknak lakih rak thitu a si.
            A ruak phum dingih an ruahnak hmun ihta an raksakmi a si.
           Hibangih rittheihthil zuartu pawlkawm pawl dodarh theh dingin cozah in ralkap pawl cu a liamciami kum 6 sung ihsin thu rak petu Mexico President Felipe Calderon in himi pawlkawm hotu Lazcano thatngah theitu Navy(ti ralkap) pawl cu a lawm zet hngai.
           "Tuah cun hotu pawl lam ihsin ramsung ih ummi a tihnungum bikmi rittheihthil pawlkawm hotu mi 25 cu kaiin thiatbal an si zo" tin president Felipe Calderon in a sim bet.
an hotu pa Lazcano.

HTML Comment Box is loading comments...