Tuikum 2012 hrang Calai(literature) lam nobel laksawng cu China ih cangantu Mo Yan in a ngah. Himi hi China rampi ihsin cangantu pakhat cu Sweden ram nobel laksawng peknak committee in a veikhatnak laksawng a pekmi khal a si.
        A nganmi ca a tamsawn hi China ram kum zabi 29 lai hrawng ih harsatnak pawl, ramthlak taktak ih an rak hremawknak pawl a nganlang tlangpi.
        A nih hi China ram nisuahnak leh hmar lam Shandong ramthen, myo fate pakhat ah lothlomi nu le pa hnenih ra piangsuakmi a si ih a kutsuak canganmi pawl khal a suahnak hmun Shandong ramthen sungih khawte pawl hmangih nganmi a si.
        China ram leng ih a larbikmi a mai kutsuak ca pakhat cu Red Sorgun hi a si ti theih a si.
        Himi cabu hi doawk lai sung Japan pawlih ram an rak lak hlan deuhciah khawte nuncan ti langmi thuanthu a siih zuknung hmangih an zuk hnu ah hlawhtling in a hmin a thang ngaingai.
       Mo Yan timi hi a hmindeu a siih amai hminngai cu Guan Moye a si. Mo Yan timi hmindeu ih sullam cu "relsuak hlah" ti ai a si.
      Thenkhat in Mo Yan hi China ramah zalen tak ih thurelnak an khammi thuhla hi relsuah ding zat a relsuak lo ti ih rak sawiseltu khal bolo in an rak um.
      Hibang ih Mo Yan nobel laksawng  a ngah cu cozah leh party hotu pawlih thuhla pawl lawng a phuang rero tu China cozah TV ah makzet in an rak phuang lang.
China ramih a hmaisabik calai nobel laksawng ngahtu canganthiam Mo Yan(Guan Moye).

HTML Comment Box is loading comments...