Muslim ram pawlah sosang zetih sandah piahnak(zinzawhnak) cang tertu biaknak lam video pakhat ruangih huatawknak pawl hlo theh dingin American cozah in US $70,000 hrawng cemin Pakistan television ah faknak an nei.
            Uradu caih nganmi cumi faknak ah American in biaknak lamih an thisau zia Mr.Obama ih relmi, himi zuknung thawn zianghman kaihnih awknak an neih lo thu US cozah ih a thiar fihlimawknak Hillary Clinton ih thurelmi News ta lak khawm mi tawi tete pawl khal an tel ve.
            American ram a rakdin pek ihsin biaknak hmuahhmuah ih zumdaan pawl rak ngaisangtu ram a si ruangih midang biaknak hnaihnoktu hmuahhmuah cu an kankuat thu Mr.Obama in a sim.
           Pakistan rampi sung mi hmuahhmuah hnenih a thlen thei nak nak tiang a tamthei bikih thleng thei dingin an duhmi a si thu U.S cozah in a sim ve.
           Islam biaknak hmuhsuamnak zuknung ih telve tu pakhat in himi zuknung hi youtube video website ihsin philh hlo dingin California court pakhat ih a dilnak cu lolak men a si .
           Himi zuknung phihsak a si lo ding thu Lawyer in a phuangih youtube ih tartu zungih tazacuai mi a si sawn lo ruangah youtube leh alubik google company pawl thawn zianghman hnimhnaihawknak an neih lo thu khal a sim bet.
           Arualpi zuknung cangtu pawl himi zuknung ah telve dingin bumnak thawn a cangtermi a si tin himi zuknung ih cantunu Cindy Lee Garcia in a sim ve.

HTML Comment Box is loading comments...