Muslim umnak pawl ramah lungawi loih zinzawhnak cangtertu an prophet Mohammad ih zuknung a zuktu a that theitu cu US Dollar 100,000 laksawng pekding tin Pakistan cozah minister pakhat in thu a phuang.
           Pakistan tlangleng minister tuantu Gulam Ahmad Billar in Taliban leh Alqaida sungtel pawl khal amai awkam vekin hnasunglawi an tuannak ah ra telve theh hai dingin sawmnak a nei.
           Amah in, tuihnu hivek zuknung zuktu an um leh a si khalle cumi minung that theitu cu adang US Dollar 100,000 pekbet ding a si theu a relbet.
          Himi ram pawlah  zalen takih reltheinak, phorhsuak theinak a um ti a theih thu pawl, sinan hiang ram pawl ah mithianghliam( biaknak pakhat ih an lu) pawl hmuhsuamnak tuah khamnak law neih a tul zia leh cuvek ih daan leh dun a umlo a si le nehhnu vivo ah buainak nasa takih a suah vivo theitu a rel.
           Sinan, Pakistan minister thuhla raltheinak neitu pakhat cun Mr.Billar ih simmi thu pawl leh an nih pawl zianghman hnimhnoih awknak an neih lo thu BBC news hnenah a sim.
Pakistan minister Billar

HTML Comment Box is loading comments...