Saturday niah Lybia ram, Benghazi ih American ambassador zung donak cu a hlan khan ihsi rak tinmi a si maw ti zingzawinak an tuah rero lai tin American cozah lam in an ti.
      Himi donak ah American Ambassador to Lybia,Christopher Stevens leh American rammi mi 3, leh Lybya ramsung mi mi 10 lai in thihnak an tuar phah.
      President Obama khalin hi donak ahhi American in nasa takin a zohthlak ih, thuhman diktak a suah tiang Lybia cozah thawn tuantlang ding, leiltun pumpi ih American ambassador tuantu hmuahhmuah pawl himnak ding khalah tu aiin nasat ter sinsin ding tin thusuak a nei.
      Doawknak hi a hnok tukih hleiah a sang tukih biaknak lamih hel pawl tla an rak tel thei ve ko tin upa pawlin an rel.
      Himi donak hi an mithiang Mohammad zawkzetnak an timi vedeo an duhlo zia langternak thawn a hnawihnih aw ding tin an rak zum dah.
      RPD launcher thawn an kapih ambassador zung cu meithal keng pawl in meisa thawn an rak ur mi sawn a rak si.
RPG Launcher.
       

HTML Comment Box is loading comments...