Islam biaknak pawlih an mithiang Mohammad an zawkzetnak timi video thawn pehpar awin Arab khawvel ah thinheng sosang zetih lungawi loih zinzawhnak a suak.
    Yemen ramih Saana khawpi ih zinzawhtu pawl in American ambassador zung cu pahtlang in motor car pawl meisa an nawk sak ruangah security pawlin ambassador zung ihsi suak theh hai dingin meithal mu ngai thawn an kap in dawisuak an zuam rero.
     Egypt ramih Cairo khawpi khalah American ambassador zung lenglam ah buainak nasa men lo in a pung deuhdeuh.
     Zinzawhtu lakih thenkhat cun tuih American ambassador tuan rero laitu hi dawisuak dingin an dil rero.
     Zinzawhtu pawlin ukkhe leh leitlang tivekih an den ciamco ruangah palik pawlin mitthli tlak ternak bomb an puah phah.
     Tunisia,Morocco,Sudan, Mouritania, leh Iraq ram pawl khalah lungawi lonak langter ih zinzawh an tampi.
     NATO ho pawlin Afghanistan ramih um mi an mai ralkap pawl cu buainak a suak vivo thei ruangah ralrinnak a pe cia.
Arab ih zinzawhnak.

HTML Comment Box is loading comments...