American a sangtu ramdang vuankyi Mr.Joseph Yun leh Myanmar hrang US than amatkyi Mr.Dereck Mitchell pawlih kaihruaimi pawlkawm cu kan dung hrawngte ih cangmi Rakhine buainak thuhla zingzawi dingin rinni ahkhan Sittwe myo ah an ra thleng zo.
         Rinni sundir hrawng ahcun Rakhine refugee an umnak hmun Shwesiti phungki tlawng ah an ra thleng zoih,cumi tlawngih an phungki hotu pakhat hnenah Rakhine buainak thuhla thawi pehpar awin thusuhnak leh zingzawinak an nei tin thu theih a si.
         Cui phungki cun "Hmailam caan ah daihnak thawn kan um tlang ding a si ahcun ram sungmi situ, ram sungmi silotu thenhran nak neih a tul" tin a sim.
         Mr.Joseph Yun leh a ho pawl cu Cawlhni zinghlan ahkhan helicopter thawn Maungtaw myo sung cu an va fang ih, sundir hnuah Sittwe ah an ra kir sal.
          Sittwe ah politic party pawl lawng silo midang tampi thawn khal tawnawknak an nei. Rakhine Phunhnam Thansonak party ih committee hotu sang mi pathun khal a dang ten tawnnak an nei tin an rel.
           American vuankyi leh a hopawl tuih an ra tlawnnak hi Rakhine ramthen ih umtu pawl hrangah hmailam caan ah lungrual thinlung hmunkhatten ziangtin umtlang vivo thei ding? timi hrang an ra zingzawi duhnak tin thehih a si.

HTML Comment Box is loading comments...