Arabia island ah Alqaeda lubik sangtu Said Ali Al-shihri in thah a tuar zo tin Yemen leh American ihsi ra mi thuthang ca pawl ah tarlang a si.
    Yemen ram, sim lamah Mr.Shihri cu ralkap pawlih thahmi a si tin Yemen acozah internet cahmai pawlah an tarlang.
    American mawngtu umlo raldo vanzam pawlih an kah nakah a dang mi 5 telin himi pa Shihri khal a rak thi tel ve tin tla thuthang dangah an ngan lang.
    American ralbawi pawlin Al-Shihri thah a tawng ngah zo tin AP Thuthang zung ah an hei sim zo nanin himi thuhla ah American pawl ziangtin peh tlaih awknak an rak nei ve ti cu thu fiangfel in an rel ve lo.
    Al-Shihri hi Saudi rammi a siih Guantanamo ih um American thawnginn ihsin kum 2007 kumih rak suak sal mi a si.
    Cumi theh ihsin anih hi Saudi Arabia ah Tundin Tharsalnak a tuahsal nan. nehhnu ahcun Arabia island ih Alqaeda hopawl thawn an tuan tlangih Yemen ra thleng mi a si.

HTML Comment Box is loading comments...