Syria ram hmarlam ih Aleppo myo ih television department leh radio station kiangkap hrawng ah doawknak nasa tak a suak ciamco lala.
           Himi hmunpawl la duhtu tapung pawl cu cozah ralkap pawl in nasa takin ralthuampi pawl thawn an do ciamco ruangah tapung pawl cu dung an tawlhkir ti thutheih a si.
           Tapung pawl ih an lakmi Salahaddin veng leh Sif Aldala veng pawl khalah nasa takin an doaw rero ko. An khawpi Damascus khalah nasa takih bomb puahnak a cang ringring tin mit ih hmutu pawlin an sim.
           Friday ni ah UN general conference ihsin Syria in ralthuam tumpipi a hmang sinsin mi pawl parah mawh an phurh ter.
           Culawng silo, kilhimawknak council khalin Syria ih thisen luang thihhlohnak pawl cu an daikham thei lo tin an sawisel ve.
          Syria thuhla thawn pehpar aw in geography politic hlawknak ngah ding hrang nitlaknak lam ram pawl cu Syria ih politic umtudaan pawl khulfung dingin hnaihnoknak an pe tin China ih foreign ministry department ih simtheinak neitu pakhat in a ti.

HTML Comment Box is loading comments...