A hlan ralkap cozah uknak laiih si black list ih an retmi Myanmar rammi leh ramdangmi zaten 6165 ihsin 2082 zatcu hminlist ihsin an malhsal thu Cozah news ah tuini ah suah a si.
     Hibangih black list ihsi hmin an malh mi pawl ramdang thlengzotu kawlram mi pawl khal ramsungah an ra tlung kir sal thei tin khal cozah news ah an ngan lang cih.
      Ramsungih national sipuazii kilkhawi tuahtha thei ding duhin company pawl, hmun dangdang ihsin mipum tamtak pawl,media journalist tamtak telin mithen cu thu dangdang ruangah hivekih black list ih retmi an si tin an sim.
      Cozah ih hithil a tawlrelnak ah a hlanih black list ih telve tu 8888 tlawngta hotu pakhat asimi U Moe Thi Zun, lubaungtit democratic party hotu U Aung Moe Zaw,NLD-LA hotu U Nyo Ong Myint leh FTUB hotu U Mg Mg pawl telin adang tlawngta hotu hlun pawl khal cozah in ra tlunsal a sian thu theih a si.
      Bangladesh ih um Rakhine Woman Organization hotu Daw Saw Mya Yazar Linn cu kum 24 sung hrawng ramleng a umnak ihsin mani ah Rakhine ramthen ah a ra tlungkir salih Sittwe mipi in hlunghlai zetin an rak hmuak hngai.
     

HTML Comment Box is loading comments...