Kutke kimlo pawl Olympic lehnak puai ropi cu London khawpi ah Queen Elizabeth amah rori'n a awnsak. 1948 ihsi thokin Britain ih rak tuahthokmi kutke kimlo Olympic lehawknak puaipi cu a tuah Britain leiramah a tikcu ra her lehaw sal mi a si.
            Ram 165 ihsin kutke kimlo milekpawl 4200 aiih tamin telih lekaw ding an siih a history ah a tumbik mi puai a si ding. A awnnak Queen Elizabeth in a neiih , sinan kan dung teih tuahmi Olympic puai tumih James Bond ih kilnakthawi helicopter parih si ra tum vek khacun a si nawn lo. Punghman a mai to theumi a mai car tethawn bualrawn sungah a ra lut men.
            Himi ah hin, kut khatlawng a neitu khalin a cumi kutkhat te cun an mai ram flag kengin an ban an rak vaiih, a hrek pawl cu nawrlengah flag pawl temin an rak hmuak ve. A awnnak puai ah mit khawhmu theilo, fungdo thawi vakmi pawl leh mi tawite pawl telin kimlo nanih caknak neitu kutke kimlo mi lekaw pawl tampi hmunkhat teah hmuh theih a si.
           Kutke kimlo pawl lehawknak leh mi pangai pawl lehawknak danglamnak cu thinlung thazang khaisannak a si thu puai awnhlan teah Queen in a thurelnak ah a relcih.
           Himi zuamawknak ah Myanmar milekawmi pawl tla an tel ve dingih cumi ah tileuh ah Sit Aung leh thaisai zuamawknakah Win Naing pawl an telve ding.

HTML Comment Box is loading comments...