VOA news, 20 Aug 2012-Japan leh China ramhnih karlakih mai ta, kan ta tiih an buai rero nak Island parah Hongkong China mi pawlin sandahpiahnak an nei hnu ni rei lo ah Japan dosuaktu pawlkawm pawl khalin himi island ah tidai leuhkan in sandah piahnak an nei ve. Lawngte thawi a ra tu mi 100 aitam pawl lakin mi 10 in zohman umlonak island parah daan pah in an hungkai ih cumi parah Japan flag cu an phun, cu theh in an lawng umnakah kirsal in an tlungsal ti a si.
           Cumi hrangah China cozah hin nasa takih Japan a kankuat thu leh China ih kutsungihum ram ah an ra hnimhnoihawknak pawl bang viar dingih a ti thu China cozah news agency Xinhua in a tarlang.
           Nisuahnak lam Tuluk tipikapih um himi tlangte(island) ah kan dungte wednesday ahkhan China in tlang par kaiin an mai China flag cu an va phun ih Japan immigration law ih an kaihngah theh hlan tiang an ram hla sakin sandah an piah. Sinan zohman hrem leh vuak tivek um loin friday ah Japan ihsin an ra luat kir sal.

HTML Comment Box is loading comments...