Myanmar ah tuikum kumcem lamih tuahdingmi ASEAN 100 leadership thurelkhawmnak ah Nobel Peace Prize ngahtu Daw Aung San Suu Kyi a tel ve ding tin himi an hmannak ding Asia Incorporation Forum in a rel.
           Daw Suu in himi relkhawmnakah thurelnak a nei ve dingih a nidang leh ahcun himi ih rateltu pawlthawn khat leh khat sutaw phahin reltlannak an nei ding. Culen, tuikum relkhawm dingmi thupi ahcun buainak pawl leh leitlun, a thangharhmi Asia, leh khuilam hmutinnak? timi pawl an si ding.
         Himi relkhawmnak hi a ra dingmi December ni 5 leh ni 6 ah Yangon khawpi ih hmanding a si.
         Hitawkh hotulu Dato Timothy Wong in kan dung August ni 16 ahkhan Naypyidaw ah Daw Suu Kyi thawn tawnawknak an rak nei zo.
          Asia Incorporation thusuak vekin -Tuikum relkhawmnak ah Myanmar telin Asean ram pawlin a thupizetmi cozah lam leh business lamih hotu pawl an rak tel ve ding a si.
           Myanmar President U Thein Sein ih hohanak leh acozah in tuahdanglamnak thar pawl an tuah lai ruangah hi India leh China karlakih mipum (tan-60) hrawng fang ummi Myanmar hi ngaihsaknak tampi a hlawhphah tin himi hotu pawlin an rel.

HTML Comment Box is loading comments...