Syria ram, Hamar ramthen sungah a bur bur ih that nak a um thu theih a si. Cozah duh lo ih do let tu pawl hnen ih ngah mi thuthang pawl, zuk pawl ih sin a thi mi nunau pawl leh nau hak pawl ih zuk pawl a ra suah tel cih ruangah leilung pumpi ah thin phang mangbang nak a thleng.
A liam cia mi thla 2 ah Honglu ah mi tam tak thah nak a um hnu ah cuvek bang ih thahawk nak a suak la la tin mi tam in an rel nasa. Tu tiang ih hmuh mi internet sungih video zoh thei mi ah a thi zat hi minung 20 lai a si zo ih an zate in no lai hlir an si.
Thursday ni tiang ah a thi hi zate kom in mi 200 an luan zo ti dolet tu lam in an than.UN ih zohthup tu pawl in cozah hin tank pawl, meithal pawl leh helicopter pawl a hmang tin an phuang.
Mah rori ih rak hmu tu pakhat in Arabia BBC hnen ih a sim daan cun meithal thawi kah nak, raldo van zam hmang ih bomb puah nak leh machine gun pawl an kap thawk ti thu a sim.
Cumi theh ah minung um nak inn zaa lai an kah siat thu,cumi inn um pawl ah zo hman in ralthuam hmang an um lo thu,an nih pawl cu khawsung mi menmen an si thu,cozah ralkap pawl in nunau leh nauhak pawl cu run him phah in an do thu pawl a si thu leh nauhak it that lai pawl khal meithal ih kah that an si thu a sim bet.
Mi paziat ih tam an that zo,thu hman ngai ngai mi cu ziang a si,zo pawl in hivek thah awk nak pawl an tuah ti hi thu fiang  si lo nan hi thil cang mi hi politics ruangih thil cang mi a si ti cu a fiang zet.
Sinan, Russia cun nitlak nak lam ram khar phih daan tat nak a tuah ding  a si ah cun VITO daan a hman tum thu a sim.

HTML Comment Box is loading comments...