Ramdang ih si kharphih nak pawl ong kir sal ding ih dilsal nak thuhla hrang hluttaw in mi awmang mi mi pakhat hril ding ih agenda an thun Pyituhhluttaw in a lungkim pi ve.
Friday ni ih an hman mi Pyituhhluttaw thurelkhawm nak ah Shan National Democratic Party ih hluttaw amat Daw Nan War Nuh in ramdang pawl ih kharphih daan tat nak pawl hi Myanmar ih democracy thu ah leh sipuazii thansonakding khawmtu a si ruangah khar phih nak ong kir sal ding in hmaihruai ih dilsal tu ding mi awmang pakhat hnen ih hna pakhat ih pek a that thu emergency agenda ah rawt nak a nei.
Hi mi agenda hi Pyihtawngsuh Kyiankhaine Phunphyo yii party le Rakhine phhunpyo yii party ih hluttaw amat pahnih in lungkim in reltlan nak an nei.
Hluttaw amat pawl sung khalah hi thu ah Daw Aung San Suu Kyi kut ih an ap duh hmel deuh in a lang,khar phihnak pawl ongsal ding hrang rang tak ih thu ruat cat lo ding ih rel rero tu a mah hi hnaihnok nak thleg ding in an duh mi si pei maw ti mi parah rinhlelh nak tampi a um.
NLD ih aiawh tu thenkhat pawl cun hi ti bulpak hril awk nak hi rang tak ih ti ci a si lo thu reltlan nak an nei.
Pyituhhluttaw cu nehnu ah mi awm ang pakhat hril ding in mi tamsawn ih lungkim nak thawn thu an khar.

HTML Comment Box is loading comments...