Kan dung ni 5 ih kan tarlan mi pahnih nak president hrilding thu ti mi kan run peh sal ding. Tu ah cun fel fai tak ih an hril tlin mi cu hlan ral bawi hlun U Myint Swe an hril tling ta. A nih hi a mah vek ih tling thei mi tam pi lak in Yangon division wankyi ralbawi hlun U Myint Swe cu ral kap ai awh tu pawl in an rak rin cia deuh mi khal a si.

A nih hi thincang zet mi a si ih tlunah a hlan ralbawi pi U Than Shwe thawn khal ih rak nel aw zet an si. Cu lo ah pahnih nak president si ding in a rak tlin nak ah leh U Than Shwe sungkua thawi an nel awk nak ruangah tla a si phah ding ti tu tla an um hnuai hni.

U Htii Aung in hi mi thu thawn peh par aw in "Hivek sinak cu kan ralbawi hlun U Than Shwe in a mai zum mi leh a mai mi le sa pawl lawng a pek theu mi sinak" a si tin a sim ve.
Himi kan zoh tik ah cun tu ih acozah hnatuan nak par ah U Than Shwe ih a thil ti thei nak tam pi a lang lai tin a sim bet.
U Htii Aung thotho in a pahnih nak ral u bawipi rak si dah tu U Myint Swe cu ami tuan pi rero ralbawi hlun U Khin Nyoint tel in 2007 ih lukolh puansen sin pawl do ding ih thu a pek mi thu, a rei hlan ih news journal latu,ngantu pawl tih thaih ih thu a suah thu kan zoh tik khal ah a tlun ih thupek mi thlun ih tuah suak tu a si ti khal kan thei fiang thei.

HTML Comment Box is loading comments...