Dawrpui thlanmual ah Holy Bible Ur kang mi hmuh a si.|Chin Santiluan

Dawrpui thlanmual ah Holy Bible Ur kang mi hmuh a si.

Tuesday, 10 July 2012|

CHIN SANTILUAN

Mani zanlam 1:00 pm leh 1:30 pm hrawngah Jakop Zarzolian Pu huaplian ih fapa ITI cu thing cim in a nenthat.

Jakop zarzolian hi a rualpa thawn zinpi katih an lehawk lai ah zinpi tlunlam ih thingpen khawm an ret mi in, Jakop zarzolian cu a nen, Thing ih a nen hnu minute 10 vel a rei hnuah Zarzolian cu phuarsuah thei fang a si.

Dinthar vengah, Sairang ih um Lalhmingsanga kum 25 mi in,Nauhak kum 4 mi pawngsual a tum. Lalhmingsanga in nauhak kum 4 mi biak inn ih kham, zunthawh dingih suak cu a zunthawh nak room ah luhcil in, nauhak kum 4 mi pawngsual a tum ih a pawngsual man hlanah an kiangkap mi dang in thei ih, nauhak kum 4 mi cu an run suak man.
Lalhmingsanga hi nikum lam khal ah nauhak pawngsual a tumih, cu mi tum khal ah nasa tak ih vuak leh vel a tawng zo ti in, LPS news cun a phuang.

Dawrpui thlanmual ah Holy Bible Ur kang mi hmuh a si.

Mani sun 11 am hrawngah Dawrpui thlanmual ah Holy Bible Ur kang mi hmuh a si.
Holy Bible urnak hmun hi Pu Haua tei nupa thla parah a si, bible hi a kang siat tha nasaih, bible page thenkhat kang theh man lo malte lai cu hmuh ding a um,
Hi tawh hrawng hi rittheih thil tham pawl umnak theu a si bakah nunau mi pa sinak hman theu a si ti in an sim, Dawrpui thlanmual commite leh vengsung pawl tang rual in kil theu khal seh la, hi ti vek ih mi lengsuak vak cu kil ringring a thei lo ruangah tui lai hrawng hi, hi tawk thlanmual ah thilsual ti nak ah an hmang ti in an sim, Bible urkang a si thuhla ah a kiangkap ih um thenkhat cu an lungawi lo nasa ih, hi thilsual tuah tu hi a rang thei bik ih zingzawi dingin FIR an theh lut.