July 5, Nitin Van Mana
Job 30-31, Dungthluntu 13:26-52

Job 31:24-25
Sui parah ka rinsannak ka re lo, sui ṭha bik khal ka ring cuang lo; Mi neinung ka si ruangah ka puar dah lo; Lennak tampi ka khawm ruangah ka puarthau dah lo.

Job in 'confi' zetin a sinak le a dingfelnak pawl, Pathian hmaikaa ih mawhnak a neihlo thu pawl a von simaw taktak cu, ka nun ka rak zoh aw ih laaktlak ka silozia ka hmusuak aw.
-Hniksaknak ti thamlo te lawng kan tuar khal hi hniksaktlak zumnak ngai kan neih lemlo ruangah asi.
-Thlawsuahnak mal tekti te lawng kan don khal hi thlawsuah dong tlak kan si lemlo ruangah asi.

"Sualforh hniksaknak a nehsuaktu hnenah thlawsuah malza pekin a um ringring."


Dung 13:46
Sikhalsehla Paul le Barnabas cun ralṭha sinsin in thu an sim...

Himi ttumih khualtlawn an pok zawngah cangantu in "Barnabas le Paul" ti'n a ngan nan tawkfang hna an von ttuan hnu in "Paul le Barnabas" ti'n a ngan. Paul cu Barnabas ih hruaimi asinan Barnabas hnakin mithmai ttha a ngah sawn vivo ih Barnabas hruaitu sawnah a cang.

Pathian hnattuan ciocio khalah a taima deuh, a um men theilo deuh, a pe-aw thei deuh, a phuang tam deuh le a ttuan deuh cingcing cun Pathian hmaikaa le milai hmai krimkrim khalah mithmai ttha an ngah sawn.

"Na thinlung takte'n zuam ttentto ih na tuahmi ziangkim hi a lak men asilo, thliirtu na nei ringring... midang hnakin mithmai ttha na ngah dingih sunloih na si lai ding."


Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...