July 27, Nitin Van Mana
Saam 43-45, Dungthluntu 27:27-44

Saam 43:3
Na tleunak le na thudik i pe hram awla, na tlang thianghlim Zion ah le na umnak na Biakinnpi ah i hruai kir hram haiseh.

A borhhlawhmi leitlunah mi borhhlawh lakih tlang leng, mi borhhlawh kan si ruangah a thianghlimmi Pathian cu ziangti'n kan biak ding?
Milai hin kan thinlung takin le kan nunnak zate'h Pathian kan biak theinak dingah "Pathian tleunak ih lamhruainak (Johan 1:4) le kan nunnak in thianghlintertu a Thutak Ttongkam (Johan 17:17) kan ttul.

"Maw Bawipa, na tleunak le na thudik i pe hram aw, ka thinlung takin le ka nunnak hmuah thawn nangmah ka lo biak ding." ti'n thlacam aw.


Dung 27:36
"Midang khal an thinlung a hung cak deuh ih rawl malte an ei fingfing."

Leitlun harsatnak ruangah mangbang vansangin kan umih rawl ei theilo khopin kan tuar ttheu.
Cuvekin kan um tikah kan sunnak lamzin kan hril asi sawn. Zumtu cu nehtu kan si kha hngilh pang hlah uhsi.
Kan ruangpum kan taksa hi rawl kan eilo asile a thazang a malih a cakvaklo, cumi tikah thlarau lam khalah awlte'n thlemnak ah kan tlu pang thei. Jesuh Khrih tla ni-40 sung rawl-ul in thla a camih a rilrawng, a tisa lamin a thazang a mal tikah a hnenah thlemnak a ra thleng. Asinan Jesuh cun a neh. Kannih zumtu hmuah khal Jesuh Khrih thawngin nehtu kan si.

"Kan tisa hrang tilerawl tthittha in kan ei loih kan thazang a derdai tikah thlarau lam tiang tluksiatnak ah in thlenpi thei."

Kan thinhar mangbang tuk caan khalah kan tisa hrangih ttulmi tilerawl cu ei ttentto ding kan si. Kiangkapah cuvek tuar an um khalle thazang pekih rawl ei-ter kan thiam ding a thupi ngaingai.



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...