July 26, Nitin Van Mana
Saam 40-42, Dungthluntu 27:1-26

Saam 42:11
Ziangah so hitluk lawmmam in ka riah a siat? Ziangah so hitluk lawmmam in ka thinlung a bang? Asinain ka ruahsanmi cu Pathian lawng a si. Amah cu ka thangṭhat sal ding. I Runtu le ka Pathian cu!

Khawvel nunnak ruangah riahsia in na um maw? Thinbaang le lung-rethei in na um maw?
Na ruahsannak cu khawlvel thilah si sawn loin Bawipa sawnah asi kha von mangsal aw.
A lo rundamtu Pathian kha thangtthat awla luatnak le lungawinak thar na hmu sal ding.

"Bawipai' tthatzia kan thliir thiam loih lungawi thusimih amah thangtthat hna kan thiamlo tikah leitlun harsatnakin in ciim neh ttheu."

"Maw Bawipa kan Pathian, kan hrang thil tampi na tuah zo. Nangmah bangtuk zohman an um lo. Kan hrangah mangbangza tumtahmi na nei; A zate in sim le phuan ṭheh tum sehla, ka sim cawk dah lo ding." (Saam 40:5)


Dung 27:23
"Ziangahtile mizanah i neitu le ka biakmi Pathian ih vancungmi ka hnenah a rungih... "

Paul ih nun hnangamnak hinah phunkhat in a lang: thlisia a hrangih tisuar-tilet a tho, long sungah mangbangih an buai lai-ah Paul cu hnangamte'n a um thei. Ziangahtile Bawipa Pathian cu "I neitu, ka biakmi Pathian" tiah ati.

Zumtu kan nunnak ah nun hnangamnak kan neih theilo khal hi kanmah le kanmah kan theihfiangawk lo ruangah asi. Ngaite cun Pathian ih ta kan siih Pathian thuthu ih nung le thaw-thaw kan si tihi a theifiangtu hrangah cun nun hi hnangam a thlak tuk.

"'Kan biakmi kan Pathian ih ta kan siih a kut sungah kan um' ti na theihfiangih na pom thei lawngah nun hnangamnak na nei ding."



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...