July 24, Nitin Van Mana
Saam 35-36, Dungthluntu 25

Saam 35:18
Cuticun a pumkhawmmi na minung lakah ka lo lawm ding, An zate hmaiah ka lo thangṭhat ding.

David in Pathian hnenah bomnak dilih thla a cam tikah thukamnak tla a tuah.
Cumi cu "Pathian in a ralpawl kutin a humhimih a runsuak asile a minungpawl hmaiih Pathian thangtthat ding" kh asi.

Pathian in a thlacamnak a sangih a humhimih nehnak a pek tikah David in Pathian thangtthat a hngilh lo. A thangtthat tuknak ah "Saam Hlabu" tiang kan neih phah rori. Cuticun David cu Pathian lungtongtu ti tla-ih kawh asi hngehngee.

Pathian hnenah thlacamih dilmi kan neih cio ka zum. Ka parih Pathian kutcak a langnak tla tampi hmuhtonmi kan neih ka zum.
Mipi pumkhawmnak hmaiah na parih Pathian tthatzia veiziat na rel dah zo?
Na thlacamnak a lo saan ruangah amah thangtthat sunloihnak cu na kaa in na phuang dah maw?

Himipawl hi rak ruataw hnikaw, ...
-Pathian hnenah ziangmi thla na cam?
-Pathian hnenah ziangmi thu na kam?
-Pathian hnenih na thukammi na tuahsuak maw?


Dung 25:7
"... a sinain sual an puhmi cu a dik taktakmi a si tiah an langter thei lo."

Paul hi Jesuh Khrih ih tetti asi.
Jesuh Khrih ih tetti asi ruangah kaih le khih a tong.
A sualnak hawlih thah a tumtu pawlin "Thihnak tlaih misual" asinak an langter theilo.

Zumtu hmuahhmuah kan zate'n Khrih in "Ka tetti va si uh" in ti ttheh. Tuisun ah Jesuh tetti na sinak ziangti'n na langter.
Kanmah thah in duhtu kan ralpawl sim hlah, kan rualpi ttha kan timipawl hmanin kan sualnak rel ding an thei zohzoh tla asi menthei.

"Khrih ih tetti na sinak na nuncan ziaza ah a lang dingmi asi. Felnak, tthatnak le dingnak nuncan ziaza cu Khrih thawngin na nunnakah langter aw."


Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...