July 23, Nitin Van Mana
Saam 33-34, Dungthluntu 24

Saam 34:8
Bawipa ih ṭhatzia cu nanmah tein tep ciar hnik uh; A hnenih himnak a ngahtu cu mi thlawsuak an si.


Bawipa in milai lakih hna a ttuannak ah hmin phun dangdang a nei. Ziangah tile milai hin kan hmuhtonmi le kan dinhmun cio tla a bangaw loih Pathian kan ttuldaan cio tla a bangaw lo.


Kanmah le kan sinak zawnah le kan hmuhtonnak cio ah Bawipai' tthatzia kan tep ngah zo maw? "Na Pathian cu na parah ziangtlukin a ttha?" ti'n lo sut sehla ziangmi na sim ding?


A dang tampi a um lai nan, a tlangpi thu in himi phun-4 ah Bawipai' tthatnak ziangti'n na rak tep dah?
-Yaweh Shalom (Hnangamtertu Pathian) -Na nunnak ah Bawipa in ziangti'n hnangamnak a lo pek dah?
-Yaweh Rapha (Tidamtu Pathian) -Natnak na tuar laiah Bawipa ih a lo damternak na tong dah maw?
-Yaweh Nissi (Nehtu Pathian) -Harsat buaibainak thawn nan sualaw rero laiah Bawipa in ziangti'n nehnak a lo pek dah?
-Yaweh Jireh (Somdawltu Pathian) -Tlasamih na um lai ah na ttulsammi Bawipa in ziangti'n a lo somdawl dah?


"Bawipai' tthatzia rel ding na thei maw, na nunnak ih na tep zo mi?"


Keimah ihsi thokin kan zate'n, Saam cangantu in a hnuailam bangin in sawm.
Na lungkim maw? Thlun dingah ttha na ti maw? Na thlun kem?


Saam 34:11-14
Ra uh, mino pawl, i ra ngai hnik uh. Bawipa ṭihzah daan ka lo zirh hai ding.


Leilung tlunah hin nuam zetih nun nan duh maw?  Nun sau le lungawi nan duh maw?


Nan duh a sile a ṭha lomi ṭong lo dingah le thuphan sim lo dingah ralring uh.
Thil ṭha lo cu hrial uhla a ṭhami tuah uh. Daihnak tumtah uhla a cangthei tawkin ngah zuam uh.


Pathian thlawsuahnak ..... na hnen um hram seh!!!

HTML Comment Box is loading comments...