July 21, Nitin Van Mana
Saam 29-30, Dungthluntu 23:1-15




Saam 29:11
Bawipa in a minung pawl cu thazaang cahnak a pek; Hnangamnak thawn a thlawsuah hai a si.


Bawipa in a falepawl in thlahthlam dahlo. Nitin kan nunnak ih kan ttulsammi thazang cahnak in pek ringring. A minung a kuthnuai ih ummi, a hnattuantu le amah riantu, a ta kan si vekin a hrangih ziangkim kan tuah kan ttuannak ah kan ttulsammi cu ttuanvo in lak sak asi.


"Na hrangih ziangkim ttuanvo a lo laksaktu ih duhdaan le tuahter a lo duhmi tuah awla 'Hnangamnak' cu na ta asi mai."




Saam 30:5
A thinhengnak cu mitṭhep fang a rei; Asinain a ṭhatnak cun sansung a daih. Zan ah ṭahnak um hmansehla, zinglam ah lungawinak a thleng a si.


Kan nunnak ih kan hmuhtonmi ziangkim zoh sehla kan harsatnak hnakin kan thlawsuah donmi hi a tam sawn ringring. Asinan milai cu thinhengnak in kan khat ruangah kan lungawi caan a tawi tuk ttheu. Tuisun ah Bawipa in lamzin in hmuh, a lungput in theihter. Anih cu mitthepkar lawng a thinheng ih sansung daih in a ttha. Bawipai' hnenin zir uhsi.


"Bawipa ka hmuhmi thil ziangkim hi a tthalam zawngih ka zoh theinak dingah thinlung tthatnak in pek hram aw" ti'n thlacam aw.




Dung 23:11
Cuih zanah cun Bawipa cu Paul kiangah a ding ih, “Paul, zianghman ṭih hlah! Hitawk Jerusalem khua ah ka thu theihpitu na si zo, hivek thotho in Rom khua khalah na si hrih ding,” tiah a ti.


Pathian hrangah nunnak tiang hman pek ngam khopih a hlanawtu pawl hrangah Pathian in "Zianghman ttih hlah" ati. Pathian in "Zianghman ttih hlah" a ti hnuhnu cu zianghman ttih ding a um nawnlo rori siko.


"Ttihnak thinlung na nei maw si? Pathian hnenah na nunnak hlanaw aw, a hrangih nung dingah. Hnangamnak a lo pek ding."






Pathian thlawsuahnak ..... na hnen um hram seh!!!

HTML Comment Box is loading comments...