July 2, Nitin Van Mana
Job 22-24, Dungthluntu 11

Job 23:3-5
Pathian fehnak lamzin thei ningla, A umnak hmun khal thei ningla, ka va duh so! A hnenah ka thu ka thlenter ding; Ka thu cu famkim zetin ka sim ding. Ka hnenih a ṭong dingmi le i son dingzia tla theih ka duhzet.

Thukham Hlun Bible sungih hlanlai minung pawl...
Job tlukih mifel le mi thianghlim, Pathian ttihzahtu rori hmanin Pathian umnak a theilo, Pathian thawn an kawmaw theilo.
Kannih cu Pathian thlawsuah kan co hlei ce, Jesuh Khrih thawngin.

Job le Kannih Khrihfapawl;
-Pathian fehnak zin le umnak hmun theih ka duh... ati. -Kan nih cun Emmanuel, Pathian kan hnenah a um kan ti.
-Pathian hnenah ka thu ka thlenter ding, famkim zetin ka sim ding... ati. -Kannih cu kan thinlung sungih kan ttongmi khal Pathian in in theih sak.
-Pathian ih ttongmi theih ka duh... ati. -Kan nih cu "Ka tuu pawl cun ka aw an thei" in ti Pathian in.

1) Pathian na hnenah a um ti na theifiang zo maw?
2) Pathian hnenah na thinlung sungih ummi ziangkim famkimte'n na simthei thluh zo maw?
3) Pathian ih a lo simmi a ttongkam na ngai ngah zo maw? Na thei dah zo maw?
... Hlanlai Pathian mi pawl hmanih an rak ngah lomi Pathian ih zangfahnak Jesuh Khrih thawngin kan co. Cumi cu man nei zetin hman aw. Pathian thawn kawmawk ringring a nuam, a nuam tuk!


Dung 11:29-30
Dungthluntu pawl cun an tithei tawk ciar in Judea ramih a ummi zumtu unau pawl bomnak pe dingah an tawlrel. An tawlrel vekin an ngahmi tangka kha Barnabas le Saul kut in Kawhhran upa hnenah an kuat.

Ramdang tla kan thleng. Nun nuam in kan um vivo. (*Ka canganmi a siartu lakah ramdang thlengmi kan tam sawn ding.)
Mi harsa ziangti'n ka bawm thei ding timi ruahsannak a neitu cu nunman nei rori an si.
Kan thlennak hmunkip ah khat le khat lungrualin kan ti theitawk cio kan thawhkhawmmi hin kanram, kan miphun, mi harsa mi nauta, tlasamih a ummi pawl nasazetin kan bawm thei asi.

-Nangmah hnakih santlai lo, zotal na bawm dah maw?
-Tutiang mi bawm theitu na si hrihlo ah cun mi santlai lo na si ding lo maw?

"'Mi harsa ziangti'n ka bawm thei ding' timi ruahsannak a neitu cu nunman neimi an si."



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...