July 1, Nitin Van Mana
Job 20-21, Dunthluntu 10:24-48


Job 21: 1-2
Ka ṭongmi hi ngaihnik uh! In hnem theinak cu cumi lawng a si. Ṭong theinak tikcu i pe uh.

Job in a duhmi cu a rualpipawl ih a ttong an ngaisak ding kha asi. Cumi cu a hrangah a hahdam theinak bik asi.

Mi thinharpawl kan hnem tikah, mi thazang kan pek tikah, mi lungkuai pawl kan bom tikah, ... a thupibikmi cu an thinlung sungih an ruahnak le an tuarnak pawl an rel theinak dingah caan kan pekih an ttongmi kan ngai sak khi asi.

"Kamkhat hman kan ttong lo hmanah miih ttongmi kan ngai mennak thawngin miih thinlung damtertu kan si thei."


Dung 10:33
Atu-ah hitawk ah hin Pathian hmaika-ah kan zatein kan um ih Bawipa in sim dingih a lo fialmi kha ngai dingah kan lo hngak a si.

Ralbawi Kornelias in Peter hnenih a ttongmi ttongkam asi.
An hnenah Pathian thusimtu dingih Peter an sawm tikah hiti'n a ti.
-Pathian hmaika ah kanzate'n kan um.
-Bawipa in sim dingih a lo fialmi kha ngai dingah kan lo hngak.

Sermon kan ngai tikah a thupi zetmi pahnih a um;
-Khawitawk hmun asi khal le Pathian hmaika ah kan um ti kan thei pei. Pathian cu hmuntinkim ah a um.
-Zovekih a sim khal asile Pathian in theihter in duhmi sawn kha kan ngai pei. Milai ah kan buai asile Pathian ttongkam kan thei theilo ding.



Pathian thlawsuahnak ..... na hnen um hram seh!!!

HTML Comment Box is loading comments...