July 11, Nitin Van Mana
Wednesday, 11 July 2012|
CHIN SANTILUAN
July 11, Nitin Van Mana
Saam 1-3, Dungthluntu 17:1-15
Saam 3:5
Ka zau ih ka itthat; Cule himte in ka ṭhang sal, Ziangah tile Bawipa in i kilveng a si.
Zaan a kimih kan itthat, zing khawvang ah kan thosal, sunvu kan tlanglengih kanmah le hna cio kan ttuan. Hitiih kan caan her rero hi a mahte a cangmi ah ruat pang a awlte. Amahte a cang menmen mi asilo, Bawipai' kutcak thawngin asi sawn.
Ka nauhak lai ihsin Pathian a um timi hi ka thinlung takte'n ka rak zum thei hrimhrimlo. 2005 ah zaan khat cu itthat theilo in ka um. Ka ih a hmulo asilo. Ka ih cu a hmut tukih taakah a mak, ka mit khal ka meng thei nawnlo. Asinan na ka itthat thei talo. A mak tuk! Cuvekin na um dah maw ziang leh lam? Ihhmu tuk nacingih itthat theilo tivek... Ttimzaan pa2 a kim thlang, cuticun ka sawltal rero. Tingaihnak ka thei nawnlo ih ka khukbilin thla ka cam; "Pathian, na um taktak asile itthat theinak in pekaw. Ka lo zum dingih ka lo biak ding" ti'n. Culevete'n ihhmuh thawte'n ka itthat thei.
Kan itthat thei hi, kan ihhmu ruangih kan itthat asilo. Bawipai' kilvennak locun ihhmu tuk cing khalin ihthah a theih cuanglo.
"Kan itthat thei ih damte'n kan thosal hi Pathian hnenih lungawithu sim rero ding kan si."
Dung 17:11
An thusimmi pawl cu an thinlung taktein an ngai ih, nitinte in Paul ih simmi cu a si ngaingai maw, si ngaingai lo tiah Ca Thianghlim an siarih an zohṭhim.
Berea khua ih zumtupawl hi ka uar ngaingai. Paul ih thusimmi an ngai tikah an thinlung takin an ngai. Asingai maw ngaingai lo timi khal Ca Thianghlim siarin an zohtthim. Ka uar tuk lawm mam.
Kannih cu khawmnak ih itthat sing phah cingte khalin sermontu ih relmi mangmaraupi'n kan "Amen" thei thotho. Curuangah asi kan nunah Pathian thu in hmuar a neih thei dahlo. Pathian thu kan thei ko nan kan nunpi thei dah cuanglo.
"Kan theihmi Pathian thu kan nunpi theinak dingah cun kan thinlung takin kan ngai ih Bible casiarin kan zohtthim ih theifiang dingin kan hliakhlai ih kan thinlung sungah kan tuhlut taktak a ttul."
Pathian thlawsuahnak ..... na hnen um hram seh!!!
Salai Vanruah.
Saam 1-3, Dungthluntu 17:1-15
Saam 3:5
Ka zau ih ka itthat; Cule himte in ka ṭhang sal, Ziangah tile Bawipa in i kilveng a si.
Zaan a kimih kan itthat, zing khawvang ah kan thosal, sunvu kan tlanglengih kanmah le hna cio kan ttuan. Hitiih kan caan her rero hi a mahte a cangmi ah ruat pang a awlte. Amahte a cang menmen mi asilo, Bawipai' kutcak thawngin asi sawn.
Ka nauhak lai ihsin Pathian a um timi hi ka thinlung takte'n ka rak zum thei hrimhrimlo. 2005 ah zaan khat cu itthat theilo in ka um. Ka ih a hmulo asilo. Ka ih cu a hmut tukih taakah a mak, ka mit khal ka meng thei nawnlo. Asinan na ka itthat thei talo. A mak tuk! Cuvekin na um dah maw ziang leh lam? Ihhmu tuk nacingih itthat theilo tivek... Ttimzaan pa2 a kim thlang, cuticun ka sawltal rero. Tingaihnak ka thei nawnlo ih ka khukbilin thla ka cam; "Pathian, na um taktak asile itthat theinak in pekaw. Ka lo zum dingih ka lo biak ding" ti'n. Culevete'n ihhmuh thawte'n ka itthat thei.
Kan itthat thei hi, kan ihhmu ruangih kan itthat asilo. Bawipai' kilvennak locun ihhmu tuk cing khalin ihthah a theih cuanglo.
"Kan itthat thei ih damte'n kan thosal hi Pathian hnenih lungawithu sim rero ding kan si."
Dung 17:11
An thusimmi pawl cu an thinlung taktein an ngai ih, nitinte in Paul ih simmi cu a si ngaingai maw, si ngaingai lo tiah Ca Thianghlim an siarih an zohṭhim.
Berea khua ih zumtupawl hi ka uar ngaingai. Paul ih thusimmi an ngai tikah an thinlung takin an ngai. Asingai maw ngaingai lo timi khal Ca Thianghlim siarin an zohtthim. Ka uar tuk lawm mam.
Kannih cu khawmnak ih itthat sing phah cingte khalin sermontu ih relmi mangmaraupi'n kan "Amen" thei thotho. Curuangah asi kan nunah Pathian thu in hmuar a neih thei dahlo. Pathian thu kan thei ko nan kan nunpi thei dah cuanglo.
"Kan theihmi Pathian thu kan nunpi theinak dingah cun kan thinlung takin kan ngai ih Bible casiarin kan zohtthim ih theifiang dingin kan hliakhlai ih kan thinlung sungah kan tuhlut taktak a ttul."
Pathian thlawsuahnak ..... na hnen um hram seh!!!
Salai Vanruah.
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!