Rakhine ramthen sung ih a cang mi buainak pawl ah Bengali Rohingya pawl ih thu thawn pehpar aw in international in zohliam men lo ding in American ih um Leitlun rampi zalennak pawlkawm ih hotu pakhat Mr T. Kumar in a sim.
American ram Wahsington DC ih Journalists inn pi ah cun Kawlram Bengali Rohingya pawl ih an thuhla pawl hi July ni 10 ah press conference an tuah ih Leitlun rampi zalennak pawlkawm ih an ruah daan pawl Mr Kumar in a sim mi a si.
A nih cun Bengali Rohingya pawl hi an biaknak ah retniam mi an si ruangah,ram nei lo vek an si ruangah an ngah ding thei mi tlawng kai nak, khualtlawn thei nak an ngah lo ruangah tin a sim.
Kawlram democracy hrang tha pek ih tuan rero tu national in hivek ih human rights an pah bal nak pawl hi an rel suak ding a si. American ih hotu pawl thawn siseh, national hotu pawl cu Bengali Rohingya pawl ih thu thawn pehpar aw mi rel tel ding ih tha pek ding khal in Leitlun rampi zalennak pawlkawm ih hotu Mr Kumar in a sim bet.

HTML Comment Box is loading comments...