Kawhhmu myo pyithuhluttaw ih hotu si fawn, NLD party lubik si fawn Daw Aung San Suu Kyi cu Pyithuhhluttaw meeting kai ding in tih ni zan zan lam ah Naypyidaw a ra thleng zo. Naypydaw um sung ceen nak ding inn sang ding ah remlonak mal lai a um ti vek thu thang tla suak phah.
Naypyidaw, Zambuthiri myo ih NLD aiawh hotu pakhat ve Daw Sandar Minn in Naypyidaw, Ouktarah Thiri myo sungah Daw Suu Kyi le a kaihruai pawl um nak ding ah inn pahnih hmuansak hmuanthlang inn a rak san cia zo thu BBC hnen ah a sim.
Inn sannak ah remlo nak a um ti mi thuthang Daw Sandar Minn in a simfiang daan cu"Himi myonae sungah inn thar lawng lawng a si ruangah mi um siannak a rak um hrih lo ih um ding caan an dil tikah hotu lam in ni 10 sungah thu an than ding thu an suah nan tu ah kan um thei ko" tin a sang.
Daw Suu Kyi cu hluttaw a kai lai ah Naypyidaw lawng ah a caam ding ih thudang a um len cu Hluttaw cawlhcaan inrin le cawlhni lawng ah Yangon a tlun ding thu theih a si.
A dang NLD hluttaw pawl thawn tawnawk nak caan an neih ding thu khal Daw Sandar Minn in BBC news ah sim nak a nei.

HTML Comment Box is loading comments...