Beijing ah kum 60 sung ih a rapthlak bik mi ruah sur nak ah mithi leh mihlo, inn zuat tilva hlo leh thi tampi leh inn leh lo hloh khal tampi an um. Sinan, an canzin ih mithi an suah zat a dik lo lawlaw ti sawiseltu tla an tam zet. Mithi 37 lawng um an ti mi an sawisel ruangah an cazin tuahthat sal a si a zum um. Mithi zat cazin hi a dik lo, bumnak men a si tin an ram ih public network a si mi Weibo Website ah mi tam in an rak sawisel nak an rak ngan.
Hotu pawl hin tilva caw,naa hlo cazin hmuah thaten pe thei si in ziang ah saw mithi zat, mihlo zat hmuah felfai tei an lak thei loh tin mipakhat in thusuhnak a tuah.
A hlan ah cun hivek ih mipi ih sawisel ciamco nak hi China ram ah a rak um dah lo.
Sinan, a liam cia mi kum 3 ih an dinsuah mi weibo website a ra um hnu ah cun mi pi pawl in an mai hmuh daan, an ruah ve daan pawl an ngan suah ih an pholang thei nak calungpi pakhat ah a ra cang.
Tuah cun weibo website cahmai hi control ding in cozah in a ai ih nasa in a tuan sinsin.
Cumi lai hrawng ah Beijing ih myotaw hotu lu leh a sang tu an pahnih in an sinak in an ban san zo thu tuini ah an phuang suak.
An nih pahnih hiti an suah nak hi sinak thlengawk ti theu daan men a si ih himi tilian thuhla thawn ziang hman kaih hnih awk nak an nei hran lo.
Sinan, mi ih sawisel relsiat nak pawl rak kham ding nak ah weibo website ah an hmin pawl tilang lo ding in cozah in an rak kham .

HTML Comment Box is loading comments...