Syria ram ih a pahnih nak khawpi Aleppo ih hmuntam tak laksak tu hel(tapung) pawl in an checking gate pawl dolet ding in hmun an khuar nasa zo. Himi khawpi hi Syria ih siipuazii hmunpi bik si ih an ram hmar lam cortrol nak ding doawknak ah a thu pi zet tin rel a theih. Zarhkhat rei cozah ralkap leh tapung pawl lakah lamzin pi par tiang an do aw ih hmun thenkhat pawl cu tapung pawl in an lak sak.
Tuah cun cozah ralkap pawl, tank pi pawl tha bet vivo ding in Hamar leh Turkey ramritawk nak lam ih si an ra luh ruangah a tihnung um zet mi myo cuawk nak a si thei ruangah khawsung mi pawl thawngsawm tel in an tlan suak rero. Tlunsang lam in leh lei tang lam ih khawpi kah a si kar lak ah khawsung mi le sa tam pi cu ei ding, in ding neinawn lo tam pi an um zo tin acozah do tu lam ih pakhat in a rel. Doawknak ruangah khawsung mi pawl Aleppo ah hmuh ding an um nawn lo. Khaw lailit nak hmun khal ih meithal puak awn theih a si ringring ruangah mi pi pawl cu tlawng inn leh siizung pawl ah himnak duh an pungkhawm aw tin BBC hnen ah a sim.
Tu ah cun cozah lam ah mipum lam in siseh, kutkaih doawknak ralthuam lam in siseah an tam sawn ruangah tapung umnak khawpi pawl hi ziang tluk rei an control thei ding ti a rel theih lo nan a tambik thi rero tu pawl cu mawhnak nei ve lo khawsung mi pawl lawng an si ti thu BBC jounalist Ian Pannel in doawknak hmun ihsin thu a rak pe.
Cozah television pawl ah cun Damascus sim lam ah tapung pawl nasa zetih an do rero nak pawl an pe suak ih cozah lam ih tapung lam ih let aw hotu pathum thu ah cun hi cu Qatar ram hin a rak rolh aw ve tin Syria ram ramdang department in a rak rel ve thung.

HTML Comment Box is loading comments...