Yangon, Mayankong Myo ih taih inn tlakpil nak hmun kiang ah nunau kum 19 mi pakhat an that. Thah a tuar tu hi Ma Po Po Mon a si ih a pum, a hngawng leh a kawng pawl ah hliamhma pu ih thi a si.
Himi a cang nak hi Mayangone(2), Mihtharsuh street inn no. B25 ih cang mi a si ih veng sung palik tel in Yangon crime lam dolettu pawl in a that tu kaingah ding in an hawl an zingzawi rero lai.
"Hi nau hak nu te hi tuizing(29/6/2012 friday) 9:30am hrawng ah a mah tei thirleng mawng in inn a ra tlung. Cumi minute 45 hrawng ah a nu le pa an ra tlung ih an fanu hivek in a cang mi an ra hmu" tin an inn kiang ih um numi pakhat in Yangon Times Journal hnenah a sim.
A thi tui rak mawn mi thirleng, suithi,a hnakhaih khat lam pawl cu a kim nawn lo thu a nu te in a sim ve. Himi a cang lai tak ah hin ruah nasa zet ih a sur ruang ah ziang thawm leh vang hman inn hnen pawl in an rak thei lo.

(Yangon Media Group)

HTML Comment Box is loading comments...