Cancer nat neitu hridai in awkaw that  June 26 ni ih hmuhmi
Yangon khua hmunkhat ih a umtu numi pakhat cu a dam lonak ih sin sumpai harsaknak ruangah hridai thawn a awkaw that mi thawn pehpar aw in zarhkhat sungah hridai ih awkaw that hmun ruk(6)a um ti’n Yangon khua tlunlam thuneitu pawl hnen ihsin theih a si tiah Eleven Media Group Internet cahmai ah antar lang.
A tlunlam vek ih hri thawn awkaw thattu pawl hi zarhkhat sungah hmunruk(6)a um ih cu mi lak ah kum(25)ihsin Kum(45)lak an si ih nunau pa(3)le a dang pawl cu mipa an si ti’n thuthang ngah a si.

Tuṭum ih thihhlohnak a tongtu hmun huk(6) pawl cu acohzah hnaṭuantu innsang thawn pehpar aw an si ti in tlunlam thuneitu pawl hnen in an thei.
A tlulam ih thuthawn pehpar aw in kum 2012, June 21 ni zinglam 11:45 hrawngah Cihmindai myone(ၾကည့္ျမင္တုိင္ၿမဳိ႕နယ္) Tayiattaw(သရက္ေတာ)veng zanthing cetzung umnak hmun sungih a umtu Daw San San Maw(kum 44)cu an inn sung khandan sungah pi-4 hrawng a saumi nylon hrihrual thawn a awkaw that ruangah Cihmindai(ၾကည့္ျမင္တုိင္) ih police thihhlo lairelnak No.3/2012 thusuak in nemhngetnak an nei .

Himi thuthawn pehpar aw in a theitu an sungkhat le rualpi cun “tu a thitu hi nauinn cancer nat neitu a si ih a natnak a besia tuk tuar theinak thazaang a nei nawn lo ti’n an sim.A thihdan cu a kilkhawi tu a fanu te a daileng sungah hitin a rak cangnak a si.A mah cu a nauinn cancer a si mi cu a besia tuk,a dam lo nak hi kumkhat luan a si zo,a rei vivo tik ah a fale pawl le a pasal a hmaisong tuk,Cozah hnaṭuan tifam cu a rei vivo tik ah cun sumpai lam khal ah an tlasam vivo,

A sunglam natnak le a roh deuhdeuh fawn,Sibawi pawl hnen khal ah an feh a cang theitawk in an tuamhlawm” ti in Eleven Media Group hnen ah an sim.
Cu vek thotho cun June 23 ni zinglam nazi 6:20 ah Lanmadaw Myone 9 nak ih a um thuthang latu paloce a pahnihnak thuneitu ih nupi Ma Myit Myit Maw(kum 47)cu an pindan khan a lenglam pi-6 hrawng a sangmi hmun an inn kulhnak ih a zaammi rua par ah cun TV antina hridai pi-26 lai a si mi cu la in a hnuai lam ah palastic tohkham par ah cun kai tahrat in a hngawng hridai tawn awkaw in a nunak a liam ruangah police thihhlo lairelnak No.5/2012 thusuak in zohfel/nemhnget nak an nei .

A tlunlam vek thotho in June 19 ah Tanhlin Myone,Bagan khua ih um U Myit Oo(kum 37)cu
A nupi thawn rem awk lo in thu elawknak ruangah hridai thawn a awkaw that ve .
June 20ni zinglam 6:00 ah Seikkyikhanaungtu Samaduwa 4 ih um U Tein Oo(kum 40)cu zuu a in tuk ruangah a nupi thawn ṭongkam an elaw ih a mah lawng inn a um sungah hridai thawn awkaw tahrat in a nunak a liam ve.

June 22 ni zinglam 8:15 ah Tungkhuah Myo 7 veng ih um U Myit Zaw Oo (kum26) cu inn a tlung ih a nupi in rawl hmeh a rak suang lo thu thawn thu elawknak an nei hnu in a nupi le a fa te pahnih cu an tlansuak hnu a mah lawng a ta’ng ih hridai thawn a awkaw that ve lala.
June 24 zinglam 8:00 ah Hmawbi Myone,Kyatpyu khua ih um Ko Nan Dah (kum 25) cu zuu a in tuk ruangah a mah le mah hri thawn awkaw in a nunak a liam ve.

Cui hlei ah a nih cu thinlung famkim le ruahnak nei lo(mi aa)a si ti in Yangon khua police thu neitu pawl hnen ih sin thu kan ngah ti in Elevent Media Group Internet cahmai ah an tarlang thu kan thei.

HTML Comment Box is loading comments...