Shwepyithar myo ih um tleirawl pakhat cu mak dang lam tak in a luak leh a daileen len thir fung te pawl a suak tel cih theu ti mi thil mak hi na rak thei ve dah maw?
June 17 ih si hi thil hi cang thok a si ih June ni 25 zing lam tiang ih a luak leh a daileen nak in thir fung te 120 lai a rak suak cih zo." June ni 16 ni ah mal lai dang lam tuk tinak ka nei ih kua a song tuk ruang ah June 17 ah clinic kan piah ih cunah ultrasound in zuk nan ziang hman a um lo in ti" ti ah hi mi natnak tuar tu kum 25 mi Ko Aung Cho Cho in a sim. Suah pi unau pa sarih a nei ih a mah thawn minute 10 lawng tan mi phir unau pa tla a nei.
Tuini ni 27 ni ah ပေယာဂဆရာ thawn tuamhlawm nak kan nei zo. Tui sun ni tiang a luak leh a daileen nak ah thir fungte 106 fiang tak in a tel cih ih si nan khuat thawi tha ten dawn lo mi thawn cun 120 hrawng a thawh suak zo. Sii thiam pawl in tui zing ah khan a thawh suak mi leh a luak suak mi thir fung pawl cu an ting sak." a pa U Nyuint Tin a sim. Ko Aung Cho Cho khal in "Ka luak hlan ah cun ka dung zang leh ka awm pawl na tuk ih a um hi ni 10 hrawng si ding. A cang len vei khat luak ah pahnih pahnih in tla a ra suak. Dai leen khal len ka thawh suak cih ih sam tawm hnok tla a tel cih phah" tin a sim bet. Shwepyithar ih Nawarratt sikhan ih an check nak ah cun zianghman danglam nak hleice an hmu cuang lo ih tu ai ih a luar sinsin a si len cu sizungpi ih piah aw ding in Doctor pawl in an sim.
"Hiti ka cang pek te ah cun ka lau nasa. A hlan ah lung to luaksuak theu nunau pakhat a um ve ti ka thei ih cu bang ka si ve ding ti ka ruah ah ka tih thei zet. June ni 16 zan mang ka man ih ka mang ah cun "Siizung ah na nunnak na cuh ding..Zin khal tha ten na hmu thei lo " tin ramhuai(nat) in rak ti. Mi dang pawl in thin har nak nei ih aa ih mah te thir fung dang ah thun tahrat ih luaksuak vek ih um aw ter tin tla in ti theu. Ziang tluk a har sa ti cu a cang tu lawng in a thei thei ding" tin Ko Aung Cho Cho in a rak lau ve daan leh mi ih an hmuh daan a sim bet. Myanmar Post editor pakhat thawi thusuh awk nak an neih lai khal ah thir fung pakhat a luak suak tin mit rori ih hmu tu editor pa cun a sim ve.
A suah caan tlang pi cu rawl ei khawh pek hrawng ah a si theu ih tu ah a mah hi zan tin ih sii(sleeping pill) ei in zan caan a hmang theu. Hi mi a thu hla theih duh ah an inn ah feh in media leh news leh mi tam tak in thuhla an va sut hlam celcel ti a si.

HTML Comment Box is loading comments...