June ni 6 sun 12 hrawngah  Tuicawng leh Lungsen kerlak Tuicawng ih si Km 6 velih hla Ramlak ta hai lodingih feh Santi Prlo Chakma kum 15 Rolui khua mi cu Current ( Electric ) in  a (hip )laih ih a hmun ah a thi cih.

Santi prlo chakma ih a rual pi pahnih a ram feh phah ah hramlak hai kung hmuin, ni dangah ka ra loh leh pei an ti ih, June ni 6 niah a rualpi pakhat santi prlo chakma cu sawm in an rual vah thumin hailo ding cun an feh.

A rualpa cun hai lo dingin a kungah a kai ih a hoh thei lo mi hai kung ter cu satthla in Electric hri ah a tang, Santi cun Electric hri ih tang cu dir tla dingin a kai veten Electric cun a rak laih Hip ci ih, a rualpa pakhat sawn tu cun bawm a tul ti cu a thei ko nan in, haikung ah Electric a um ruangah a run thei lo ih, hma hmawh tak in khua sungmipi pawl cu a va sim ih, khua sungmi pawl thawn an ra thlen cun Santi hi a rak thi zo a si.

@@@@@@@@@@@@@@@@@@@@@@@@@@@@@@@
Vairengte Banglaveng ih um Thangpuii cu June ni 4 zanlam in a um nak thei lo in a hlo ih, an in hnen sungkhat pawl in an hlo hngal ih, an hmuh mei lo ruangah june ni 5 niah sunvu te khuatlang in an hawl leh ih, Hi ti an hawl buailai ah Thangpuii fa nuata bik Zobawma kum 18 mi cu an inn hnuai ek inn ah an rak awkkaw that in an sarih, an awk kaw that naksan hi ciangtak ih thei a si lo nan in, A nu damlo  thinlung buai a tuamhlawm lai mi a thi nak san hi kei mah ruangah a si ti in, a thinlung na tuk cun a awkkaw that a si ti in an sim.

An Khuatlang le a sungkua pawl in an nufa ruang an tuamhlawm rero lai ah,Thangpuii cu June ni 6 ah an inn thlanglam kerkawm nak deuah awk kaw that ih hmuh a si leh, Thangpuii hi a awk kaw that nak a rei hmel ih, A hloh ni june ni 4 ni lam ih awk kaw that an zumih an awk kaw thatnak san hi theih ciang a si lo.

@@@@@@@@@@@@@@@@@@

Tui ni June ni 8 hnazi 9:30 hrawngah zemabawklungbial veng ih um Pu B Munga kum 32 mi cu a hnatuan nak Quary chimin ih lungtum ih a tlak that..
Pu B Munga cun bomb puah nak ding lungkua cu vir in hna a tuan rero lai ah, a tlunlam ih lungpi cu a ra chim thut ih lungpi chim cun  a run nen a si. B Munga hi lungchim in a nen natuk rungah a hmel khal zoh ngam ci a si lo ih, a sungkua pawl cu a ranglam ih thlalam pan dingin an ti.  

Mani June ni 7 zing 7:30 hrawngah Pu Lalchawimawia kum 40 parbung khua zemabawk ih um thotho cu, Bungbangla thlenhlan zin kiang Quary chim lungin a tlak that ve.
Pu lalchawimawia le a rualpi pawl thawn  Quary ah hlawh aw in an riak ih, Mani zinglam ah bomb puah nak ding lung cu vir in hna an tuan rero lai ah, an umnak lung phek cu tawl in an tlak ih, Pu Cawimawia cu lungchim in a nen in a thi ih, a rual pa cu a banah leh kut ah hliam a tuar, Zemabawk YMA pawl in Pu chawimawia ih kuang tuah sak in mani ah an khua Parbung ah an tlun pi a si.

LPS 

HTML Comment Box is loading comments...