June ni 15 ihsin Ks 10000 Kawlram ah hmang thawk thlang ding|Chin Santiluan

June ni 15 ihsin Ks 10000 Kawlram ah hmang thawk thlang ding

Friday, 8 June 2012|

CHIN SANTILUAN

Kawlram ah Ks thawnghra(10000) tangka thar June ni 15ihsin hmanthawk a si thlang ding ti an phuang zo. Tuvek ih tangka thar a suah ding nak ah mi tam pi in Money inflation(tangka lekaw) a suak nasa ding ti an phang zet nan Central Bank ih hotu pakhat ih cuvek cang lo ding felfaiten hmansuah a si ding ti thu VOA(Myanmar) hnen ah a sim. Tu ih tangka thar hi June ni 15 ih si thawk in Bank pawl, cozah bank pawl leh a dang dang ah hmanthawk a si ding.

Tu ih Ks.10000 a suah hlan ah Ks 5000 ca hi kum 2009 , October thla ah an rak suahthawk. Cu lai ih Ks5000 an suah tum ih money inflation cang lo ding ih an rak kil zo bang in tui tum Ks10000 a suah leh khal ah cuvek thotho in an kilhim ding ti thu စီးပြားေရးပညာရွင္ U Lay Nyunt in a sim.

Tu ih suah ding mi tangka thar Ks10000 ca hi a phei lam 15cm, a tung lam 7cm a si ih a pawl rawng lang zet mi tanka ca a si ih, tu ih hman rero lai mi tanka ca dang, tangka nawi pawl khal len hman vivo ding a si thu cozah thuthang pawl ah an ngan tel.

Share and Enjoy: