June 28, Nitin Van Mana
Job 11-13, Dungthluntu 9:1-21

Job 13:3
Asinain nannih thawn thu kan el-aw lo; Ziangkimtithei, Pathian thawn kan el aw a si. Ka thu cu Pathian thawn el-awk ka duh. 

Job cun a harsat lai caan ah a rualpipawl hnenin a ttulmi thazang a ngah theilo ti a theifiang. A rualpipawl in a sinak le thu umdaan an theihthiam pi thei lo. Job an bawm theilo ti a theih ngah cun rualpi rinsan a tum nawn lo, "Pathian le keimah lawng" a ti top.

Vei tampi cu kan rual le pi pawl kan rinsan sual ttheu, kan ttulmi taktak in pek thei maw theilo ti ruat ta loin.
Kan hrangih thazang peknak asilole nunsimnak si maw, mawhthluknak si maw, vuihraamnak si maw, ... a diklo zawngin kan rualpi hnen ih sin a ra thleng thei.

"Milai hin khat le khat thazang kan pekawk a thupit tuk rualrualin milai ttongkam ngai tahratih cumi parah hngataw loin Pathian lawnglawng direct ih kan zoh ttul caan a um."


Dung 9:4-5
Jesuh:  “Saul, Saul, ziangah so i hrem?”  
Saul: “Bawipa, zoso na si?”    
Jesuh: “Na hrem reromi Jesuh ka si."


Saul hin ziang ka tuah ti a theilo. Pathian hrangah ka ttuan a ti. Mitthalo pawl ka hrem ati.
Milai pawl a hrem rero ko nan Jesuh cun "Na hrem reromi Jesuh ka si" ati.

1) Mi va relse hlah. Mi na va relsiat tikah Jesuh na relsia tla asi thei.
2) Mi va hmuhsuam hlah. Mi na va hmuhsuam tikah Jesuh na hmuhsuam tla asi thei.
3) Mi va hua hlah. Mi na va huat tikah Jesuh na hua tla asi thei.
4) Mi va zuam hlah. Mi na va zuam tikah Jesuh na zuam tla asi thei.
5) Mi va camse hlah. Mi na va camsiat tikah Jesuh na camsia tla asi thei.
.....
Tthatnak siseh, siatnak siseh kan tuahmi ziangkim hi Jesuh parih kan tuahmi a rak siziar menthei.

"Milai parah ka tuah si hmang na timi kha Jesuh in 'Ka parah na tuah' a lo ti leh ding hokhaw."


Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...