June 23, Nitin Van Mana
Esther 9-10, Dungthluntu 7:1-21

Esther 9
"Purim Puai"

Judah nithlasiarnak ih Adar thla ni-13 hi Haman ih tawlrelnak in Judah mi a huatu pawlin Judah pawl cimit koih that dingin an ni tiam asi. Asinan Judah mi sawn in an ralpawl an neh ih nihnih sungah mi tampi an that ciamco. Cule ni-14 le ni-15 kha lungawinak puai ni ah an hmangih kumtinte an tuah ringring. Cui' ni cu lungawi puai tuah ni, rawl einak puai an tuah ni le pakhat le pakhat laksawng an pekawk ni ah an hmang. Van ih Pathian hnenah thla an cam ih Pathian in a run hai ruangah an miphun an cimit thluhnak ding ni cu an ral neh ni le an lungawi puai tuah ni ah a cang.

"Kan thinlung takin Pathian hnenah thla kan camih Pathian kan lamah a ttang asi ah cun leidaan ih kan vansiat ni le kan tlaksiat ni khal hi lungawinak ni sunglawi ah a cang ding."

Dung 7
"Stefen ih thusimmi"

Stefen in puithiam sang le mipi pawl hmaiah thu a sim.
Zumnak ih an pa bik asimi Abraham thuhla ihsin a thokih mipi ih theih ah fiangte le felfaite'n a rel thluh.
Stefen in an biaknak le an miphun ziangti'n a thokih ziangti'n a feh vivo ih tu ah ziangmi dinhmun an siih ziangvek dinhmun an thleng lai ding timi fiante'n a thei ih a rel thluh thei.

Tu ah ka lo sut hnik ding... lo ti sehla, ziangti'n na sang ding?
-Khrihfa na si ih Khrihtian biaknak ih umzia fiangte'n in sim aw.
-Chin miphun na siih Chin miphun ih biaknak le dinhmun fiangte'n in sim aw.
(Chin miphun kan tilevete'n Pathian ih miphun kan tiawknak tak kha fiangte'n kan rel thei a poimawh tuk.)

"Pathian ah kan sinak kan theihfiangawk ih mi zovek hnen khalah kan simfiang thei a ttul. Cu lawnglawng ah Khrih ih tetti kan si thei ding."



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...