A rel mi a dang pakhat leh cu “USDP kosarhle leh NLD kosarhle cu an si nak hmunkhat a si, mi menmen kosarhle khualtlawng a si ruangah cozah media pawl ih a thuhla ngan ciamco nak ding san a um cuang lo pi” tin a rel bet.

               Cu lawng si lo, cozah media cun party  pawl ih an thu hla hi daan a tat sak ih maiduhnak( personal) ih tlawngvak tvk, party pawl ih hnatuan nak menmen tvk pawl a si ah cun tarlan(phuanlang) ziang hman a um lo thu U Ye Htut hin  a sim ih tlunah, tu ih Suu Kyi tla hluttaw aiawh in a feh rak si bang seh la kan tar lang ko ding tin Ma Khin Moe Moe Aye a suh nak ah U Ye Htut ih a lehsal nak a si.

                CNN,BBC,Al-Jazeera tel in leitlun media lar taktak pawl cun Daw Aung San Suu Kyi ih europe ram 5 a tlawnnak thu hla leh zuk in nitin tei a tuah mi hmuah hmuah pawl hi catlo in an zingzawi ih an phuang ringring. Hithu hla thawn pehpar aw in Kawlram sung ih private media then khat pawl cun tu ih a khualtlawn nak hi a thupit zet mi leh ram sung khal ih tarlang rero ding tlak a si thu pawl in rak vuivai tu tla an um hnuaihni.