Britain ih sin Car Service centre pi pakhat Kawlram sungah a rei hlan ah din suah an tum. Tu ah Kawlram thuhla mal lai kan zing zawi ih ram sung ah rinsan tlak ngai Car service centre a um lo ti hi kan hmu suak. Hi tawk ah Kawlram mi pawl khal hnatuan ngah nak ding car service centre on"g thei ding in kan zuam rero lai.Tui kum cem lole hnakum kum thawk lam ah beihtan kan tum" tin Managing Director Mr Michael in Flower News Journal hnenah a sim.
           Cumi company cun Britain ah centre pibik nei in UK, USA leh UERO ram pawl ih an suah mi bus, truck leh loram hrang ih hman mi motor car pawl ramdang ah zuar suak rero an si.
          "Service centre sak theh ve ten hnatuantu ding pawl training pek nak kan nei ding. Cun customer hrang a tha bik mi service kan pek ding" tin Mr Michael in a sim bet.
          Cumi car service centre thawn pehpar aw in acozah in a tul mi rule leh thlun ding mi daan te pawl an remawk rero ruangah cumi hrang ziangzat tiang investment a pek ding ti cu rel theih a si hrih lo.
          Tu ah cun Kawlram sung ah England ih investment a ra tuah mi hi tuikum March thla tiang ah US$ million 2759.785 tiang a um zo ti a si.

HTML Comment Box is loading comments...