Satan ih hmanrua pawl

Thuhmaihruai:
Satan hi minung sersiam hlanih rak um zo mi a si tikah, a fim hrawkhrawl ngaingai,,
Kan derdainak zawn cio hi a thei theh, mi fim deuh an si le an mah an fimdan ih zir in, A  aa deuh pawl khal cu thotho...a phunphun in si ko.
Kan ralpa in ziangvek hriamnam a hmang ti theih hi nehnak lam zin pakhat a si .

1. Tihhrutnak ;
Relh rero cawp tulih kan um theu hi satan ih ruangah a si. Anih cu a thupaw aw ih, Pathian cu a phuanglang aw.
Satan ih mizia cu thimnak hmun ngamih tleunak hmun tih a si.
Ningzah lonak dingah kan zakih, zahnak dingah zak thiam lo in,,,hi khal hi Satan ih si suakmi Khrih  hmel phentu a si.      
Mi tampi in zanthim tla kan tih theu ( siatnak tongtu an um can ah a hlei ce in) khawsia thilti a si,Pathian fapa cu khawsia pawl in an tih tuk.
A tlunah thu an nei ngam lo.Kan sungih a nungtu Jesuh Khrih hi leitlun nehtu a si. Tihnak phunphun ra thleng theu mi hi Satan ih palai a si ti thei in nehnak thu kan phuang sawn kei uh..
1Tim.1:7  Ziangah ti le Pathian ih in pekmi Thalrau in tihhrutmi ah in tuah lo;
cahnak huham,duhdawtnak le mah le mah uk-awk theinak in in khatter sawn a si.
1Jn.4:4 Skhalsehla nannih cu Pathian fate nan si ; profet dik lo pawl tla nan neh zo, ziangahtile nan sungih a ummi Thlarau cu khawvel mi pawl sungih thlarau hnakin a cak sawn.

2.Thinhengnak (thinlingnak)
Thinheng hmel hmuh hi lei tlunih thil hmuh nuam lo bik pakhat ah a tel ve ko ding.
An kiangih um tla phur a rit ngaingai,Thinhengnak ,,,Thinhengnak....
a) Tonglo dingmi a mawi lo zet mi tla kan tong theu,,,sirawknak a suah ter ,,
b) Hmelsiat tertu a si,,ziang tlukih hmel tha an si hmanah thinheng cun ,,,TIH NUNG  hmelpi-ah an cang.
c) Innsang hmelsiat tertu a si. Inn sangah mi tampi kan ngam thei lo tla hi "THINHENGNAK" ruangah a si ve.
d) Sualnak lamzin ih mi hrauitu a si. (nu le pai parah maw,unau, nupi pasal parah maw,,,thinhengnak kan neih tikah "   Zuu ka in ding ih" na thei ding, aih! tvk in)
Kohhran ah, hruaitu pawl parih lungawilonak kan neih le tla Biakinn hlat phahnak ih hman a ol te. Mi nung cu famkim kan um thei lo ti thei in ngaidamnak le tangdornak in Thinhengnak(lungawilonak) pawl hi kan neh tum kei uh,,,Satan cantha pe hlah uh si.
James 1:19-20 ,  ka duhdawtmi u le nau pawl,hi thu hi cing ringring uh: thu theih duhnak lam ahcun a zam rangmi si uh la tong dingle thinhengnak lamah  cun khul fungmi si uh. Mi lai ih thinhengnak in Pathian ih tumtahnak a dingmi cu a hlensuak thei lo.
Ephesa 4:26-27  Na thin a heng asile sualnak sungah na thinhengnak in lo luhpi hlah seh:na thinhengnak kha nitlakpi hlah.Satan kha tik cu tha pe hlah.

3.Beidongnak
Thufim  24:10  Harnak canah na bei a dongmai a si ahcun,Misantlai lo taktak na si.
Hlawsam ta loin hlawhtlin a theih lo,Hlawhsamnak cu hlawhtlinnak lam zin a si.
Abraham cu Pathian in fapa pek a tiam ih a karlak ah kum 25 a rei,( Kum 75 a kimah Pathian in a ko ih thu a tiam,kum 100, ah Isak a piang,,75-100=25)
Josep cu Pathian in thu a tiamih a karlakah kum 13 a rei.  (Kum 17 a kimah Egypt sal ah zuar a si ih,,,kum 30 a kim ah PM din hmun ah khaisan a si. 17-30=13)
Harnak sungih sin beidong lo ten Bawipai dung a thlun tu hrangah ka-ih sim thei lo mi lungawinak in a hmuak theu a si.
Bawipan tumtah a nei,,,kan tuarnak hi a lak lo ding, unau na bei dong mei hlah Bawipa zoh aw.
Phi.1:29 Khrih nan zum lawng si loin amah ih hrang nan tuarnak khalah covo zemmi nan si hi mi vannei nan si.

4. Zangzelnak
 Thusimtu 10:18  Daithlan ruangah innbo a cim,Zaangzel ruangah inn a zun.
Leitlun ih mi thangso thei lo pawl hi ,Zirpaih lo, Zangzel, hmuitin mi nei lo pawl hi an si tlang pi theu.
Ziangkim kan tuahnak ah hin taimak suahih tuan hruthro lo cun hlawh tlin a theih lo.
Thuf.12:24 ,Hnatuan taimaknak in uknak huham a lo pe dingih,Zaangzelnak in salah a lo tuah ding.
Zumtu in daitlang le zangzel in tik cu kan hman tikah kan ral Satan in remcang ah hmangin a lam ah in hruai hlo pang theu. Zumtu in kan thlarau rawl a si mi hi kan ei tam a tul a si.
a) Bible siar dai thlanghlah,
Jshua 1:8  Thukham cabu cu hngilh hrimhrim hlah. A sungih nganmi bangmi bangtuk ih  na nun theinak dingah a sun a zan in siar ringring aw.Cu ti ih na tuah le na thangso dingih na tuahmi hmuahhmuah ah na hlawhtling ding a si.
Bible hi tai mak suahin kan siar a tul. A siar tam tu ih piangin an sir-aw dah lo.
Robert E .Lee cun, "Ka nun ah hin Bible ih simfiang thei lo dingih harsatnak ka tong dah lo," a ti.

Bible bukhat sungah hin,
Mi hmuahhmuah ih tul mi a rak um theh.  Mi fim bik pai tulmi a um ih, mi aa pawl hrangah fimnak pe tu a si, Damlo pawl hrangah damnak pe theitu asi ih, Harhdam pai hrang khalah mi dang parih zangfahnak nun nei thei dingih nun zirhtu tha bik a si.  Thawnginn sungih a um mi pawl hrang khalah hnangamnak pe theitu a si. Uk tu pawl hrangkhalah ram le mi pi kaihhruainak ding lam hmuhtu tha bik a si. Misual bik pai hrangah ngaidam tui ngaidamnak a conak a si fawn. Mi tha ti ih a ruat awtu pawl khal  Amah lo cun zianghman lo an si zia theihter tu a si.

b) Thlacam dai thlang hlah,
Na tul mi Pathian hnenah sim-aw, a nih cu kan zawn in ruattu a si.  Mi lai hnenah cun sim duh rero hlah, mualphonak men. Sim manhlabik Bawipai hnen lawngah sim aw.
Thlacamnak in tik cu can hmangtam tu hrangah ziangbangtuk ih tihnung,tilet, tisuar a thlen hmanah Pathian remruahnak ah cawlh hah dam hna an thaim a si.
" Maw ! Bawipa ka kaa ah kil tu ret aw la,ka mit khawhmuh duhnak,ka hna thutheih duhnak,ka kut le ka ke, ka thinlung duhnak hmuahhmuah ah nangmah in lalnak co thluh hram aw, cu lo cun na hmin ka thangsiat pang ding,"Amen.
Esther cun ,Siangpahrang a ton hlanah nithum le zanthum rawlul in thal a cam ih,A dan vek a si lo nan,siangpahrang a va tongih mithmai panten Siangpahrang pa in  a rak hmauk, Bawipa thaw cun a dan a si lo hmanah nehnak kan co thotho ding.Amen.
Pathian hrangah " A HAR LE  A OL " a danglam cuang lo.
Jer.33:3" I ko aw ka lo sawn ding"
1Sam.12:23  "Kei cu ziangtik hmanah nan hrangih thlacam ka cawl lo ding; ka cawl asile Bawipa ih hmaiah misual ka si ding.
Zumtu in thla cam kan dai thlang tikah Pathian hmaiah mi sual kan si.
Thlacamnak tel lo cun zumtui nun a thang so thei lo.

c) Biak inn ngainat lo hi Satan lam ih tan sualnak a si.
Saam 84:10 - Na Biakinnpi sungih nikhat um cu,Hmundangih ni thawngkhat um hnakin a tha sawn. Ka Pathian ih inn sangkaa kil cu mi tha lo pawl innsung ih um hnakin  ka duh sawn.

Pathian Biakinn ngai-na ih a um feuhfo tu cu lei danah mi aa te a si khal le,Tihzah thupnak te an mah a um.Pathian huham in a thuam ruangah a si.
Nupi pasal dingah le rualpi ding khalah Biakinn a ngaina mi hi hril ringring seh la, kan ti sual lo ding.
Pathian thawn a pawlaw tamtu cun Pathian ziaza an mahah a um ih midang hrangah phurrit an si dah lo.
Leidan khalah kan kom tammi ih ziaza kan kai-awk vekin Jesuh ke hramah kan um ih,a mah Biaknak hmun kan ngai na a si ah cun,,Amai duh dan in khua kan sa thei ding a si.
Lei tlunah nunnuam ih nun na duh maw,Pathian Biaknak hmun le Pathian mi pawl hnenah na tikcu hmang tam aw.

Thu netnak,
Satan in thang in kam thup ringring ,
Tihhrutnak, Thinhengnak,Beidongnakle Zangzelnak pawl in,,,simding tampi, a um ko ding.
kan ral pa ih hriamnam kan theih ngah mi te hi , a kut sungih tla lo dingah ral rinnak in pe tu si hram seh ti in saduhthah  nak tumpi thawn,
Khrih cu kan ralnehnak hriamnam tha bika si.
Neh zonak nunah Amah in in hruai sinsin seh....

Siartu zate parah thlawsuahnak thar thleng hram seh..

Khrihah nan unau
BH Sum

HTML Comment Box is loading comments...