Leitlun ah nitin in pawngsual case hi a pung sinsin, a tam sinsin hi thilmak cu a si lo ding nan sualnak rapthlak tak pakhat cu a si. Mi duh na lo cing ih ihpi, timualpho hi a va ten um in a va zahthlak ve. Ziangruang ah hitluk in a pung sinsin ti hi ruahhar zet thil pakhat a si ve. Hmuntin, ram kip ah palik an um,security tam pi an um ko nan in hi mi thawi pehpar aw mi case len a tam sinsin fawn nitin in. A san leh a vang ngaingai theih cu a har zet si in ka ruat, cu lo seh la cu a kham daan leh raalrin daan tla tam pi simawk leh zirh awk a theih ko ding si.
                     Himi pawngsual case ah upa,nauhak,zirhtu,etc...ti um lawn a cang rero. Tulai ah a hlece in kum kim lo pawngsual case hi theih ding a tam bik. Hmun pi leh khaw pi ah a tam hleice cuang khawte lam ai in. Kumkim lo in pawngsual a tawn ruangah a hmailam ah siat nak tampi a tawng thei. Curuang ah raalrin hleice a tul cuang ih sung le khat, u le nau khal in kil thiam a tul nasa.
Ni 30,5,2012 ih The Star(Malaysia) ih ngan mi ah pawngsual case hi ni kum ai in tam pin a kai sang tuk hi a mangbang thlak lam. Cu mi khal ah nahak kum kim lo kum 9 mi, kum 10 mi, kum 15 mi ti hrawng hi a tam bik. Tlawngkai an si tlang pi ih an pawngsual nak hi cu an inn kiang naite tivek, zin an feh lai van(motor) ih si dirhlut ih pawngsual tivek, an mai inn hnen mi ih pawng sual tivek hi a tam bik. Crime lam ih professor pakhat cun, hi mi pawngsual thuhla ah hin rel a har zet. Misual in an pawng sual a si ko nan an pawng sual mi ih umdaan ih zir khal in an pawng sual thei, an thuam hnaw hruk daan khal in, an feh sukso nak an fimkhur tawk lo ruang khal a si thei a ti. Tampi ah cun a si thei tuk lam ding.
              Malay ah kum 69 mi putar pakhat in nauhak kum 10 mi a pawngsual ti thu tla theih ding a um. Cu mi khal, inn hnen aw an si ih nel aw tak tho an si.A pawngsualtu cu kum 15 thawng an thlak nan nauhak nui hrang ah cun thil pawi tak a si thei. Nauhak in sex a hman zo ruangh ruahhar za thil tampi a hmailam ah a cang thei. Kan inn hnen kan duhdawt a tha tuk ko, a si nan an thinlung ngaingai ziang tikhman ah kan thei thei dah lo ding. Kan lam khaw te ah cun theih ding a um lem lo ih a lungawi um nasa. 
                   Tlangval dang in lakphak inn ih an lo sawm hman ah raalrin thei a tha. Na inn ding mi ah lole na ei ding mi ah sii maw, thil dang si maw rak rawi in an lo bum thei. Ritsii hmang ih nunau pawng sual tla tampi theih ding a um. Raalrin a tha bik ko, cu lo cun na theih lo sungah thil tampi a cang sual pang thei.
                   Kan te le fa, u le nau pawl ih nungdaan,lam len daan ih zir in pawngsual a um thei ruangah raalrin pek thiam lole raalrinpit thiam a va thu pi ve. Zoh men lo in nun sim, thusim an tul caan ah na sim fiang thei a thu pi zet ding. Kawl thufim ah "Zuamnak na tel hlanah a hlan khan ih sin rak tiari cia aw' ti bang in a cang hnu ah cun ziang hman dirhkir a ngah lo ruangah a cang hlan ah kan raalring pei uh. Kan Lai tongfim hman in "A bung zo mi tidai ruhsal a theih nawn lo" a ti kha.
                 Ruahnak nau hak a si ko nan mal lai in...
1)Mi mal tuk nak ah nang mah ten feh hlah aw
2)Zan sim hnu ah rualpi nei lo in vak hlah aw
3)Tul tuk lo ah suakvak rero hlah aw
4)Zing ah na tlan theu a si hman ah mi tam deuh nak lole mi an um maw um lo ti zoh aw(ziang vek tawn khal ih bawmtu kawh mai theih ding in)
5)Na hnipuan hruk mi raalring aw
6)Ziangtik caan khal ah fimkhur raalring ten um aw....
7)Mi ih an lo kawhnak tin ah thlun hmumhmo men hlah aw
8)Na rinsan mi pa khal a kil daan thiam aw

lungawi,,,

Salai H.Lun

HTML Comment Box is loading comments...