Mani ah thlipi natak in Hongkong a nuai ruangah mi ziangmaw zat cu hliam an tuar ih,  thing kung tam tak a nuai tlu a si.  Hi thlipi, Typhoon Vicente an tih hin hnahzi pakhat sungah peng 87-ai rangin a hrang ih,kum 1999 hnu lamah Hongkong-ih thlipi na bik a si.

 Mipi pawl vei vahnak dang dang  – Lawng, bus leh tlangleng, feh dan um dan pawl a ti danglam ih tlangleng pawlih cang dan pawl khal tihdanglam a si ih, lawng chawlh hmun leh tlawng pawl khar a si ih, vanzam zuang ding 44 thulh a si bakah a dang 270 khal an zam can tih tlai a si. Himi thlipi ruangih hliam, mi 140-in sizung an panih, mi 268-in an iin suahsanin hmun him an pan thung a si. Hmun thenkhatah cun lei khal a min hnuaihni ih, thlipi leh ruah hi a nasat tuk ruangah mi tam tak cu it that ngam loin an to zanvar a si. Macau-ah khal luia tiva ih lilawn 3 cu mizan khan khar a si ih,  thi leh hliam aw lawngte an awm lot ih theih a si.

HTML Comment Box is loading comments...