Thin lazettu thuthang pakhat cu riahsiatza a si. American, Oregan ah kum 70 ih upa lothlotu putar pakhat cu amai vulmi Kg.700 hrawng ih ritmi vok pawlin an ei that. Sinan, a kiangkap ih thuneitu upa pawl in lothlo putarpa hi makdanglam zet in a thimi sawn a si an ti.
                 Kan dung zarh ah Terry V.Garner timi lothlo putar pa cu vok rawl pe ding in an fehsuak, sinan, a ra tlunsal nawn lo ruang ah a sungkhat mi pakhat in a va zoh tik ah lei par ih malte hmuh theihmi a hafang ti ruah theihmi thil malte leh, a ruh leh a sa darh thenkhat pawl lawng a va hmu ngah tin NBC news hnenah a sim. Thuthang ih a suah daan vek a si len vok pawl hin lothlo putar pa ih taksa then malte an hlah a si ding tin an ngan. Cumi hmunih upa pawl cun Mr.Garner hi ziangti ruangah hitin a thihlo ti zingzawinak an tuah rero lai.
                An thusuah ah a si lo bik ah vok pakhat in Mr.Garner hi thinheng zetin a dolet siding a bang in an sim ih mithi ruang tuamhlawmtu siibawi cun Mr.Garner a thihnak san cu a tanglaimi a ruh, a sa them pawl ihsin a zingzawi rero lai. Himi thil kan zoh tikah vok vulhtu pawl in vok rawl pek tikah ralrin a tul vivo ding a bang.

HTML Comment Box is loading comments...