Pakistan ramah an ramih mihuaisen laksawng a ngahtu kum 14 lawng ih upa Malala Yousafzai timi nunau nute cu meithal thawi kahngah a tuar.
                An ramih hmar dung lam ih Swat valley ih umtu Malala cu tlawng ihsin a ra tlung lai hivek ih kah a tuarmi a si.
                Himi kahnak hi anmai kutthlakmi a si tin Pakistan ramih ummi Taliban thu reltheinak neitu in a sim. Malala cu Taliban dotu lakih pakhat a siih biaknak lam uksak lo zettu a si ruangah hivekih donak a tawngmi a si, a nunnak zuah a si lo hrimhrim ding tin Taliban ih thureltheinak neitu pa in a sim bet.
                Kum 1997 ah Swat hmunpi cu Taliban pawlin an rak lak theh zoih nunau tlawng pawl phittheh dingih thu an pek hnu kum 2 reihnu kum 2009 ah kum 11 lawng a si laimi Malala cun Taliban pawl kuthnuaiih a um lai diary(nunthuanthu) cu nitin a rak ngan ringring ih BBC,URDU department hnenah a rak kuat theu.
                Himi hmun hi Taliban pawlih an rak uk laiah nunau tlawngpawl an rakphit theh bangtukin Shariya daan an suah ih motor sungih hla ngai tla an rak sianlo ih an phihsakmi bangin phihsaknak tla an thansuak.
                 Taliban pawl kuttangih hremnak a phunphun a tuarmi a nitin diary thuanthu cu Gul Makai timi hmindeu thawn a thupten a ngan rero lai kum 2009 ah Taliban pawl cumi hmun ihsi an dosuah thei hnucun mipi in zoha a si ti an run thei vivo ih Pakistan ih mihuaisen laksawng a ngah bang tukin Leitlun peace laksawng cazin khalah a hmin a langtel ban ve a si.
                 Malala in a hung upat tik ahcun Law( Daan) zirin politics lamih a luh duh thu tla a rak reldah.
                Pakistan ramhi engthawl zetih fiamthiamnak zir theih si dingin sunmang tumpi a rak neih dah thu tla Malala in a rel.
                A lu leh a awr pawlih an kahngahnak hliamhmai pu in siizung ih ret a tawngtu Malala cu zianghman ruahhar ding a um nawn lo, zia um lam a pan vivo ti a si.

HTML Comment Box is loading comments...