Myanmar ram deng hmuah tiang thawnginn 40 luanih thawng tla lai tu politicians aitam mi cu a rangthei bikih suahsak ding hrang, a tang lai mi ramdang thlengtu Democracy duhtu pawl ramsungah himdam teih Myanmar ra tlungsal nak hrang dil zomi cakuat pakhat cu President U Thein Sein leh Daw Aung San Suu Kyi hnenah politician thawngtla hlun pawl in tuizing ih an kuat zo thu tuisun sundir hrawngah Tawwin Hninsi Restaurant ih tuahmi press conference ah politician thawngtla hlun pawlin an sim.
      Himi ca an ngan ruangah a rei hlanah American va thlengmai tu ding Daw Aung San Suu Kyi leh U Thein Sein ih khultlawnnak an thok hlanih a thuhla ra cangsuak dingmi hngak hlap zet thu politician thawngtla pawl suahsalnak committee ihsin  Ko Bo Bo Oo in RFA hnenah a sim.
      Tuini ih press conference an tuahnak ah politician thawngtla hlun pawl U Bo Bo Oo,U Kyaw Htwe, U Ba Myo Thein, U Toe Kyaw Hlaing leh U Htun Kyi pawlih hoha nakih tuahmi a siih tuih thawngtla laitu politician sungkua pawl tla an ra tel ve.
       Politician thawngtla hlun pawlkawm ih thusuak vek asilen thawngtla laimi politician mi hi mi 303 an um laiih Mandalay thawnginn, Insein thawnginn, Taungngu thawnginn, Thayarwaddy thawnginn, Taunggyi thawnginn, MyinChian thawnginn, Myitkyina thawnginn tiin ramsung kiltinih thawnginn 42 ah thawng an tla laimi a si tin an sim.

HTML Comment Box is loading comments...