Pakistan ramah Islam biaknak a hmuhsuam tiih an hekih an kaih ngahmi nunau nauhak te pakhat cu court ihsin thukhamnak thawn suahsal a si.
         Tleirawl mite Rimsa Mahsi timi hi nunau nute in Muslim biaknak ih an urhsun bikmi Quran cauk ih cahlap pawl meisa thawi ursak tiih an heknak thawn zarhthum sung thawnginn ah an um ter.
         An kaihngah hnu rei loah himi hmun kiangkapih Muslim hotu pakhat cu biaknak hmuhsuamtu tiin heknak a suak leh.
         Himi biaknak ih hotu pa hin an Quran cauk ih cahlap pawl thlek tahrat in himi nunau nute ih zal ah a thupten a thunsak lai an zate'i an rak hmuh theh thu mithmutu pawlin cozah sihni pawl hnenah an rak sim.
         Islamabad leh Rawalpindi kiangkapih Roman Catholic saya pakhat Ruffin Anthony khalin hivekih nunau nute an suahsal ruangah tu ahcun Christian pawl hrangah bangran nak a um thlang ti hmuhtheih a si.
         Nunau nute an kaihnak ruangah Pakistan ah fekzetih hmanmi biaknak hmuhsuamnak thawi pehpar awmi an daan(law) cu dik lo zetih hman a si ti thlanphan nak a suah phah.

HTML Comment Box is loading comments...