United State of America ah tuih ra suakmi hnatuan neilo zatek thawi pehpar awmi President Obama leh a domi Republican president zuamtu Mitt Romney pawl American siipuazii thuhla ah khat leh khat elaw in an bei aw rero.
         Kan dung August thla sungih hnatuannak tuahsuak ngahmi cu 96,000 an siih himi hi an beisei zat aiin a mal sawn lai a si.
          Himi thuhla ah a ngaingai ih hnatuan ngahtu hi 95,000 lawng siding tin zumnak ka nei, hi hin mi ting 4 lai hna an nei hrih lo ti a kawhhmuh, zum harsa tak a si tin Republican aiawh ih president zuamtu Mr. Romney in a sim.
          Mr. Obama khalin "Kan feh vivo nak ding lamzin hi awlai zet leh cakzet a si ding tin thufiang lo in ka sim duhlo, hivek khal ziangtik hmanah ka rak tuah dah lo, Wednesday zan ih Bill Clinton ih simmi bangin tuih kan hmaitonmi harsat nak pawl pahtlang thei ding cun kum rei tla kan awh phah ko ding ee" tin a sim ve.
           Culawng silo, hnatuan nak thar million sawm khat tuahsuak thei ding a planing pawl cu rak ti buai phah rero a si tin concrat hluttaw in republican pawl Obama in tongkam ih do nak a nei.
           Hnatuannak thar tampi tuahsuak theinak  a um lo mi cu Obama parah politic thu in doh kilhnak caamkhat a si tin BBC in a sim.
Republican ihsin president zuamtu Mr.Mitt Romney
         

HTML Comment Box is loading comments...