VOA news, 19 Sept 2012::France ramih megazine ca pakhat ah Muslim pawlih an prophet Mohammed ih zuk, cartoon ih an suaimi a ra suak tik ahcun ahlan khan ihsi tiari awk cia nak hrang ramdang ram 20 laiih ummi ambassador pawl, cozah zung thupipi pawl leh tlawng tampi pawl phit hrih dingin an bei rero.
           France ram acozah leh biaknak lamih hotu pawlin ralring zetih tuah dingih an sim rero lai ah France ambassador hnatuannak pawlah kilhimawknak an bei nasa sinsin ti thu foreign minister in a sim.
           Thuamhnaw taksa tampi langthei ih an zukmi telin prophet Mohammad ih cartoon zuk telmi cu zarhkhat veikhat suahmi France megazine pakhat a simi Charlie Hebdo cu wednesday niih suahmi a si. Hivek ih cartoon zukih hmuahsuamawknak hi a hlan kum khalah a rak cang dah ih, cumi laiah megazine zung cu meialh ternak bomb thawn rak do a tawng dah.
         

HTML Comment Box is loading comments...