KRISTIAN 19 KAPTHAT

    Kar hmasa khan , Nigerian Kristian pawl cun beih an  tong sal ih, hi nak hin Pastor le midang 18 pawl that an ti. Aug ni 13 (tlawngkainikhat) za ah Nigeria  khawpi pakhat Abuja ihsin Mel 155 ih hla Kogi state-ah Otite khau ih Deeper Life Bible church, Deeper Christian Life Ministry tiih hteih si bawhah hin kahawknak hi a thleng ih mi 19 lai a thi lih, hliam tuar zat cu thei a si lo. Hi mi sual pawl hin tlawngkainikhat zan khawmawk laiin Nazi 8:45 hrawngah hi  khawhhran hi an luhchilh ih, electric lak luhnak hri at chatin thim tak sungah khawhhran member pawl cu an kap cemco ih, hi hmun tlansuahsan tum hrekkhat pawl cu hi mi sual pawl hin kaiin an hrawkah an aat sak  bet a si.
   
    Kogi sate police Department cun hi thil thleng cungcang hi an puanduh vek lo ih, cutih laiin Ralkap lam thu puangtu Lt Col. Gabriel OLorunyomi cun Pastor le a member pawl kah nan hin Kalashnikov Rifle hman a si tih cu a puang. Hi thl thlen hnu hin Open Doors USA cun thusuak tuahin “Nigeria hi Kristian pawl thatnak hmunpi ah a cang rero ih, kan Unau Kristian pawl cu Nunau le nauhak tla thliar hrang cuang lovin Boko Haram pawl in rawng taktak in an that rero a si,tiin an sim, Boko Haram pawl hin kar hmasa lamah tla khan Nigeria ramah Kristian pawl cu Muslim sakhua ih an inlet sal lo ah cun a beih zel ding thu a ra si zo.

HTML Comment Box is loading comments...