Lebanon ih Hezbollah hotu Hassan Nasrallah cu American ramsungih zukmi Islam biaknak ih an prophet Mohammad zuknung, Islam biaknak hmuhsuamnak tiih an kawhmi thuhla ih lungawi lonak langter ih zin an zawhnak ah mipi hmaiah a suak vualvo thlang ta.
               Mipi lakih hmuhdah silomi Sheikh Nasrallah in himi zuknung film pumpuluk a rasuak tikih tawn dingmi a pehlai mi buainak pawl cu American hin theithiam ve sehla a tha tin a sim.
              Tunisia, Kan dung zarh ahkhan himi video thu ah dolet dingin leh zinzawhnak pawlah tel theh hai dingin forhfialnak a nei tiih an hekmi Bali syapa thu a sim rero nak hmunah security pawlin an kulh theh na'in a rak tlansuak man thotho.
              Pakhat leh, cumi American ih zukih cutawk ih tuahsuakmi Islam hmuhsuamnak video cu hlonhlo dingih YOUTUBE in a el ruangah Pakistan ah YOUTUBE internet cu zohsian nawn lo in cozah in a tuah.
              YOUTUBE ih a elnak ruangah Pakistan prime minister Raja Pervez Ashraf in a phihter mi si tin thuthang an suah.
             Kan dung kum hnih lai khalah Muslim mi tampi ih an letkhan theilo mi an prophet Mohammad an deusawhnak zuk(thlalak) tarmi a um ruangah FACEBOOK leh YOUTUBE pawl cozah in a rak phihsak dah zo.
Hezbollah hotu.

HTML Comment Box is loading comments...